شلة اصحاب على النت

Bookmark


الاعلان فى المنتدى مفتوح مجانا امام كل صديق  معنا بمنتدى الشلة
عليه فقط الضغط هنا وكتابة رسالة بطلب الاعلان
سمى الله واضغط هنا واكتب رسالتك

http://up.progs4arab.com/uploads/de0bdf66b3.jpg
http://up.progs4arab.com/uploads/00fa7905f7.jpg






اول موقع مصري عربي لتحميلات و شرح برامج و بوتات سرفرات Xmpp/Jabber باللغه الأنجليزيه لمنافسه المرمجين الروسين و الايرانين و الاندونيسين بلغتهم
او اللغه الثانيه في كل انحاء العالم ارجو منكم الزياره و الدعم.... بواسطه: محمد جمال 201225516116+



    حوار افتراضي, عن الانتخابات في بلادي

    شاطر

    MAHMOUD-62
    1
    1

    زقم العضويه : 2
    عدد المساهمات : 1699
    نقاظ : 5099
    السٌّمعَة : 10
    تاريخ التسجيل : 29/12/2009
    الموقع : مصر

    m10 حوار افتراضي, عن الانتخابات في بلادي

    مُساهمة من طرف MAHMOUD-62 في الإثنين مايو 12, 2014 5:01 pm

    حوار افتراضي, عن الانتخابات في بلادي

    كان ياما كان في عالم خيالي, حيث يوجد إعلام و لا بيضلل  الناس  و لا "بينُصب" علي  الأهالي, و لا بينشر إشاعات و مهاترات, و  لا بيزود التعصب و التعالي,  دار الحوار التالي... عن الانتخابات الرئاسية بين مجموعة مختلفة التوجهات و الانحيازات الفكرية:





    [rtl]مصري بيفكر: إيه رأيكم يا جماعة في الانتخابات الرئاسية, هتشاركوا فيها ولا إيه؟[/rtl]

    [rtl]مصري مؤيد للإخوان: ياعم هي دي انتخابات؟ ده انقلاب عسكري, الرئيس الشرعي هو الدكتور مرسي... ولازم يرجع! وكده كده هتتزور للسيسي... يبقي نقاطع ونرفع عنه الشرعية قدام العالم كله علشان يشوفوا بعنيهم الانقلاب وهو بيكمل.[/rtl]

    [rtl]مصرية هتتنخب حمدين: و مين قالك أن العالم يهمه يعرف أي حاجة, الدول الكبيرة و دول المنطقة عايزين مصلحتهم و هيشتغلوا مع أي حد يمسك البلد, و أنا بصراحة قررت أنتخب حمدين صباحي رغم أن عندي تحفظات عليه, بس سمعت منه كلام كثير كويس عن مصلحة الناس و أهداف الثورة... و هو ده الحد الأدني من الكلام اللي المفروض الناس تنتظره من مرشح للرئاسة, كفاية أنه في برنامجه و أفكاره كلام مهم عن استعادة الفلوس المنهوبة من البلد, اللي شفطتها عصابات حسني مبارك, و كلامه عن ثروات مصر الحقيقية اللي بتتسرق كل يوم, أنتوا عارفين آخر كلام رسمي عن احتياطي غاز مصر أنه يكفينا ونصدر منه لمدة 30 سنة؟! بدل الكهرباء اللي بتقطع ليل نهار وتحرق الأجهزة اللي حيلتنا اللي دفعنا فيها دم قلبنا و بدل ما الحكومة ترفع علينا سعر الغاز و الأنابيب وهي فضلت تصدر لإسرائيل غاز ببلاش تقريبا, لمدة 9 سنين, و في الآخرسرقوا الآبار بتاعتنا وعلي فكرة من غير تشويه, بس السيسي كان مدير المخابرات, ولا إيه؟! بلاش دي أنتوا عارفين أن مصر بجلالة قدرها بتأجر المنجم ب 2 جنيه؟ هقولكم إيه و لا إيه... سرقة و فساد و نهب مستمر كل يوم طول ما احنا ساكتين.[/rtl]

    [rtl]مصرية مش في دماغها: وهي يعني الانتخابات دي هتعملنا إيه؟ ما زيها زي اللي قبلها ولا فرقت معانا بمليم أحمر, طول عمرنا بنجري وراء لقمة العيش, و اللي بيسرقوا هيفضلوا يسرقوا... دول ناس كبرات يا بنتي و مسنودين من ظباط و لواءات و مستشارين ياما... وكله بيقسم مع كله... و كل اللي فالحين فيه يطلعوا لابسين بدل"لميع" في التليفزيونات  و يقولوا نلغي الدعم...بيضحكوا علي شوية "الألاضيش" بتوعهم اللي فاكرين أن الدعم ده بتاع الغلابة! مش ناقصين مرار يا بنتي.[/rtl]

    [rtl]مصري هينتخب السيسي: بصراحة يا مدام أنتي غلطانة لأن الظروف اللي البلد فيها محتاجة واحد عسكري زي السيسي علشان يحافظ علي الأمن... مش شايفين الإرهاب في كل مكان؟! يعني هيبقي موت و خراب ديار؟! بقولكم إيه... السيسي رئيسي.[/rtl]

    [rtl]مصري بيفكر: حضرتك مع إحترامي لرأيك يعني, ماهو السيسي كان وزير دفاع طول الفترة اللي فاتت وكان نائب رئيس الوزراء  للأمن, هل أنت شايف أن مشكلة الأمن اتحلت أو الإرهاب اتمنع؟ بالعكس.. السلاح و الجرائم في كل مكان و داخل من ليبيا سلاح بالكوم و بالنسبة للإرهاب في سيناء مشاكله كثيرة جدا, من أهمها أن [url=http://www.mfa.gov.eg/Lists/Treaties DB/Attachments/645/Peace Treaty_ar.pdf]معاهدة السلام[/url] محددة تواجدنا وسلاحنا في سيناء علي الضيق, وبعدين أصلا طريقة التعامل بتخويف الناس في الإعلام أكبر حاجة بتزود الإرهاب أنت سمعت عنحقيقة العمليات في سيناء؟ كده عش الدبابير اتفركش يا برنس و الإرهاب بقي في كل مكان! أما الشرطة اللي المفروض أنها تحارب الجريمة وتسيطر علي الإرهاب, فللأسف بتزوده بالاعتقالات عاطل في باطل و القتل و العنف  اللي بيخلق تار وكراهية عند ناس كثير و ربنا يستر من اللي جاي![/rtl]

    [rtl]مصري مؤيد للإخوان: أنت قلت بنفسك أهه, الداخلية هي السبب و أنا مستحيل أشارك في انتخابات زي دي جايه علي دم ناس مالهاش ذنب في أي حاجة غير أنهم عملوا اعتصام علشان الرئيس اللي انتخبوه حصل عليه انقلاب... دي إسمها مذبحةو ماحدش يقولي كان معاهم سلاح و الكلام ده, مش معقول كل دول كان معاهم سلاح.[/rtl]

    [rtl]مصرية هتتنخب حمدين: شوف يا أستاذ, مش عايزين نقعد نفتح في حواديت قديمة عن مرسي... هو و اللي حواليه اللي عملوا في نفسهم كده لما  كفروا المعارضة و طلقوا أنصارهم ينشروا العنف و كذبوا علي الناس و خلفوا وعودهم  و حاولوا يشغلوا البلد لحسابهم وخلاص الموضوع انتهي, أما الناس اللي اتقتلت من غير ذنب فعمرك ما هتجيب حقهم بالمظاهرات و بس, و علي فكرة حمدين قال أنه هنشتغل بكل الطرق علشان التحقيق يتفتح في أحداث القتل و اللي أجرم من أي جهة لازم يتحاسب... في ناس أنت بتدافع عنهم و هم قتلوا و عملوا جرائم, وفي ناس برضه بريئة مش هنسيب حقهم ولا حق أي حد مظلوم, بس ربنا يكون في عوننا لأن المشوار طويل, وخليك فاكر أن قياداتك شايلة المسئولية مع اللي قتلوا لأنهم بيضحوا بالشباب علشان في الآخر يتفاوضوا ويرجعوا للحكم بأي شكل و لو حتي في مجلس الشعب, يعني نظام "أي حاجة في رغيف", سيبك من عواجيز السلطة من كل الأطراف اللي عاملين زي "سيمجول" بتاع فيلم سيد الخواتم, شوفته؟ خاتم القوة جننه وخلاه يقتل و يتحول لكائن غير آدمي ... بنقول عليهم عواجيز سلطة علشان كبروا في السلطة و فضلوا يحلموا باالمناصب و السيطرة طول عمرهم.[/rtl]
    [size]

    [rtl]... شوف يا سيدي, من الآخر كده, أنا ما بقولش أن الانتخابات دي هتكون انتخابات حقيقية, لأن ظروف الضغط اللي الناس فيها ال3 سنين اللي فاتوا خلت الانتخابات و الصناديق تكون لعبة حرب نفسية و الناس كل مرة بتجري علي اللي بيوعدهم بالاستقرار من بعيد لبعيد, حتي لو مش مصدقينه, بيجربوه لحد ما يتحرق... وكمان كل القوانين اللي بتتحكم في كل الانتخابات زي ما تكون متفصلة علي مقاس ناس معينة, بس أنا يهمني أشارك علشان أحاول أضم علي الناس اللي عايزين نفس أهدافي... ولو ما كسبناش في الانتخابات, علي الأقل هنعرف نقدر قوتنا علي الأرض و نحضر للمعركة اللي جاية... المستقبل للشباب مش للعواجيز, و مش هنقضيها تظاهر و بس, لازم نخلق مسار سياسي بديل و ندرب شبابنا علي خناقات الصناديق و الديمقراطية... ولا كمان هنسيب للعصابة مجلس الشعب و المحليات؟! [/rtl]

    [rtl]مصرية مش في دماغها: يا بنتي ما هم بيقولوا إسمه إيه " البيصي باين؟"  ناجح ناجح,  مهما عملتوا... بس ربنا يباركلك أنتي و اللي زيك, نورتيني شوية... توكلوا علي الله, المستقبل بتاعكم أنتوا... أنا كده كده مش فارقلي, انشالله يجي الجن الأزرق... لحد ما الناس اللي بتاكل من الزبالة ما تلاقيش زبالة بعد كده تاكلها... وتطلع علي "المدعوقين" تاكلهم في بيوتهم! احنا رمينا الطوبة من زمان...[/rtl]

    [rtl]مصري هينتخب السيسي: حاسبي عندك يا خالة, إسمه سيادة المشير عبد الفتاح السيسي رئيس مصر, و هو وعد أنه هيظبط الدنيا و هيوفر فرص عمل, و العيال بتوع النت بيتنططوا و مش عاجبهم شغلانة السواق والتباع و عربيات الخضار... هو حد لاقي شغل؟ و بعدين سيادة المشير عنده خطط هتوفر كهرباء و هيجيب لنا لمبات موفرة و بيقول أنه مش هيضحك علينا ويشتغلنا ببرامج مش هتتحقق, هم كلمتين و رد غطاهم و عايزنا نساعد كلنا و نشد الحزام شوية, و بعدين البركة في المصريين اللي مسافرين بره يبعتوا حاجة تسند... و الإخوة الأشقاء العرب مش هيسيبوا مصر تقع يعني, وأهم حاجة الأمن والأمان ولازم سيادة المشير يحكم البلد بقبضة من حديد, أما شوية الشباب اللي بيقولوا حرية وكده, مش وقته يعني... وكمان عايز أقول للعمال و الموظفين اللي بيعملوا إضرابات... إيه بقي, أنتوا عايزين تاكلوا مصر يعني؟! بطلوا عطلة و ارحموا الداخلية شوية من المظاهرات الفئوية دي ونشتغل كلنا ونبني بلدنا... اللي يحب مصر, ما يخربش مصر... وان شاء الله مصر هتبقي قد الدنيا زي ما سيادة المشير وعد, ولا ما شوفتوش الخريطة الجديدة لمصر؟[/rtl]

    [rtl]مصري بيفكر: شوف يا ريس, الحقيقة ده كلام مرسل مالوش رأس من رجلين... وياما سمعنا زيه, و طول ما هتفضل تبرر هنسمع منه كل يوم, وبعدين أنت عايز مين يرحم مين؟ الناس ترحم الداخلية؟ عموما أنت حر في رأيك و قرارك الشخصي بس لو فاكر أن مصر هتعيش علي الشحاته وهي فيها اللي يكفي ولادها بس بيتسرق منهم,  و لو فاكر أن أي حد في موقع مسئولية يهدد الناس ولا يقولك ننسي اللي فات و أجيبلكم منين و الاسطوانات المشروخة دي, كل سنة و أنت طيب, هيخش المفرمة زي اللي سبقوه... الناس عرفت أن لها حقوق منهوبة, وعرفت طريق الكرامة, و الوعي بيزيد يوم عن يوم, بس فعلا زي ما قالت الأستاذة, المعركة مش سهلة, والعصابة كبيرة, مش بالساهل هتسيب مغارة علي بابا, و كمان بالنسبة لهم دي معركة حياة أو موت... [/rtl]

    [rtl]--- شكرا يا جماعة للنقاش الظريف ده, أنا عارف أن في كلام تاني مهم عن الانتخابات أو عن المقاطعة, و معظم الناس  شايفين أن مرشحهم هو اللي "هيجيب الديب من ذيله" وشايفين أن المرشح الآخر لا يصلح, وفي ناس شايفه أنها مسرحية والمشاركة فيها بتجمل المشهد مش أكثر, و ده حقكم طبعا, بس شكلكم واخدين قرار واضح, و غرضي من النقاش حققته, عايز بس أقولكم حاجتين, لو هتشاركوا في الانتخابات, يبقي لازم تكونوا عارفين هتعملوا إيه بعد الانتخابات, سواء مرشحكم نجح أو لأ, أصلها مش ماتش أهلي و زمالك, لو شايفين حد بيبني مشروع وعندكم ذرة أمل أنه يحقق نتيجة, حاولوا تساعدوه. (أنا لامح حاجة بتتعمل كده, لو كملت هنشرها و هقول للناس عليها)
    ملحوظة أخيرة, الروابط الموجودة في وسط النقاش مهمة جدا لتوثيق بعض الحقائق و الأرقام لمنع الجدل و السفسطة في مواضيع خارج النقاش.
    [/rtl]
    [/size]




    MAHMOUD-62
    1
    1

    زقم العضويه : 2
    عدد المساهمات : 1699
    نقاظ : 5099
    السٌّمعَة : 10
    تاريخ التسجيل : 29/12/2009
    الموقع : مصر

    m10 رد: حوار افتراضي, عن الانتخابات في بلادي

    مُساهمة من طرف MAHMOUD-62 في الإثنين مايو 12, 2014 5:37 pm

    http://egy-alt-media.blogspot.com/2014/05/blog-post.html




      الوقت/التاريخ الآن هو الإثنين ديسمبر 05, 2016 7:34 pm