شلة اصحاب على النت

Bookmark


الاعلان فى المنتدى مفتوح مجانا امام كل صديق  معنا بمنتدى الشلة
عليه فقط الضغط هنا وكتابة رسالة بطلب الاعلان
سمى الله واضغط هنا واكتب رسالتك

http://up.progs4arab.com/uploads/de0bdf66b3.jpg
http://up.progs4arab.com/uploads/00fa7905f7.jpg






اول موقع مصري عربي لتحميلات و شرح برامج و بوتات سرفرات Xmpp/Jabber باللغه الأنجليزيه لمنافسه المرمجين الروسين و الايرانين و الاندونيسين بلغتهم
او اللغه الثانيه في كل انحاء العالم ارجو منكم الزياره و الدعم.... بواسطه: محمد جمال 201225516116+



    لو مكنتش انت تدلعني ......... مين هيدلعني

    شاطر

    ????
    زائر

    m4 لو مكنتش انت تدلعني ......... مين هيدلعني

    مُساهمة من طرف ???? في الإثنين يونيو 07, 2010 11:37 am


    موضوع عجبني جدا جدا اسلوب عرضة

    فحبيت اني انقله لكم في المنتدي

    ماشى ياعم......عامل فيها الواد التقيل....على عينا وراسنا!!!!!
    ماشى ياسيدى......عامل فيها ابو الرجال......بردو على عينا وراسنا!!!!
    لكن هتعمل فيها طة حسين هنقولك لا بقى....اوقف عندك بقى
    هتسألو مالك يا ام بمبى؟ ضاربة الحتة الكحلى المتربة لية؟
    اقول لكو: واحدة صاحبتى وجارتى لقت جوزها بعد عنها شوية...هم بصراحة شويتين
    وبما ان صاحبتكو اللى هى انا ام عريف زمانها واونها اقترحت عليها انها
    تعمل نيو لوك....وتبقى شبة البنات اللى على الفيس بوك
    قوم اية اخدت صاحبتى من رجليها....يوة من ايديها قصدى
    ودغورى على الكوافيرة قولتاها : بصى ياشابة احنا عاوزينك تغيرى السحنة دة نهائيا
    بحيث ان المحروس جوزها بذات نفسياتة مايعرفهاش....سبتهم وقولت لهم انى هرجع كمان ساعه...وفعلا رجعت قوم اية ابص لصاحبتى بعد ما كانت شبة فلافيو
    بقت شبة شيكابالا...بصراحة مقدرتش امسك نفسى وقولت للكوافيرة:
    وجبتى اية يعنى من عندك!!!!!!!! من دبشة لطوبة ياقلبى لا تحزن
    يفرق اية فلافيو عن شيكابالا الاتنين يقطعو الخلفة
    قالتلى :ماهو انا هعمل اللون على مرتين....قولتلها : ومالة ياحبيبتى
    اجبهالك بكرة ماهو اللى يطلب العسل يستحمل قرص النحل....
    تانى يوم روحت انا وهى وبردو سبتها ورجعت بعد ساعه...لما دخلت ملقتهاش
    قولت للكوفيرة :الله فين توتة؟ انتى عملتى اية فيها؟
    قالتلى : ماهى قدامك اهى
    انا : قدامى فين؟ هو اللى بنعملة فى الناس هيطلع علينا ولا اية؟
    كل اللى شيفاة جوة الكوافير واحدة الخالق الناطق ميرفت امين
    ابص الاقى الواحدة دة بتقولى :لا حول ولا قوة الا بالله...ماكنتى بعقلك يا ام بمبى!!!
    انا : ام بمبى ؟ انتى تعرفينى منين ياحبيبتى؟
    هى : يابنتى انا صاحبتك يا مدهولة.....انا توتة
    انا عملت كدةوقولت لها : لا ياحبيبتى ماتجبيش لنفسك تهمة
    وهى عمالة تضحك ...قولتلها رغم ان الصوت واحد لكن حاشا لله تكونى هى
    قالتلى : انا توتة بامارة العركة
    قولتلها : اخرسى ...انتى هتسيحيلى فى الكوافير...طبعا قصدك العركة بتاعتى لما ضربت الواد شادى (وانا طبعا بغمز لها )
    قالتلى : لا عركتك انتى وابو بمبى!!!!!
    انا : ايوة فعلا انتى توتة بغباوتها ....مش محتاجة اثبات دة..
    طلعنا من الكوافير واخدتها على جنب وقولتلها تصوريلى جوزك على الموبيل
    لما يشوفك بالنيو لوك...من زمان نفسى اشوف بوقة مفتوح فاتحة باب الشارع
    فضلت تضحك ودعتلها ان ربنا يصلحلها امورها معاة
    قوم اية بالليل ابص الاقيها جاية وساحبة العيلين .....قولت دة السهرة هتحلو اوى
    ودار بينا الحوار التالى
    أنا : تعاليلى يابطة واحكيلى فيلم (حبيبى دائما)
    هى : انا هحكيلك فيلم (حبيبى نائما )
    أنا : ناااااااااااااائما .....ناااااااااااااااائما
    وجتلى حالة تهتهة غريبة (نائما دة اية ؟ نامت علية حيطة البعيد)
    يمكن يا توتة اغمن علية من جمالك وحلاوتك
    هى : جمال اية بس ....بلا نيلة......اسمعى وانتى تعرفى
    قولت لها : ارغى ....بعد ماعملت فنجانين قهوة سادة على روح النائم دة
    هى : اول ماجة روحت طالعه أأأأأن أأأأأأن وانا عاملة فيها ملكة جمال الجبلاية
    وفضلت ابربش واسبل لحد ماكان هيجيلى حول ....وكام حركة سهوكة من بتوع البنات
    الايزى ميزى دول....ماهو جوزى مايمنعش يعنى ادلع علية
    أنا : (جتكم نيلة ستات خيبة ...انتو اللى جيبنا وراى بحركاتكم دة)
    يلة ماعلينا وبعدين يا فرسانى
    هى : الراجل نفضلى ودخل على جوة على طول من غير ماينطق ولا كلمة
    روحت داخلة وراة...وقولتلة : هو انت مش ملاحظ حاجة ياحبيبى؟
    هو : ملاحظ ياهانم طبعا ....
    هى : ملاحظ اية طيب ؟
    هو : ملاحظ اننا هنقضى بقية الشهر عند امك او امى
    صرفتى كام ياهانم على الفرح اللى عملاة على دماغك دة؟
    روحت مقطعاها وقولت لها : صحيح يا توتة ماقولتيش صرفتى كام على الكام فرع نور اللى مولعين فى شعرك دول؟
    هى : بالقص والباديكير والمانيكير 400 جنية
    أنا : ياليلتك المطينة بطين مطين يا توتة ....دة المبلغ دة ينور حى لمدة اسبوعين يا هبلة
    هى : انتى هتعملى زية ....مش كفاية هو نكد علية وعملى احباط
    أنا : قولتها كويس انة عمللك احباط بس ...وماعملكيش عاهة مستديمة فى سحنتك دة
    دة انا لو مكانة كنت غطستك فى البانيون وطفتلك الفرح اللى فى راسك دة
    طبعا انا كنت بهزر معاها عشان ما تتنرفز زيادة.....
    بصراحة الرجالة دول يجيبو للواحدة الشلل الرباعى ....ولو الواحد فيهم شد حيلة شوية
    هيدخلها على الخماسى......
    يعنى هى لما عملت كدة....عملتة عشان مين؟
    اية هدفها من الفرح دة؟
    عاوزة اية غير انها تسعدك وتخليك شهريار وانت اساسا واحد شهر افلاسه العاطفى
    اذا ماكنتش هتسمع الكلمة الحلوة منك هتسمعها من مين؟
    اذا ما كنتش انت اللى هدلع يبقى مين هيدلع؟
    اذا ماكنتش انت اللى هيطبطب هدور على اللى هيطبطب عليها برة!!!!!!
    اذا ما كنتش انت اللى هتمنحها الدفء بحنانك هدور على الدفء دة برة!!!!!!!!
    مهما كنت انا ولا انتى عاملين سبع رجاله فى بعض الا اننا فى الاخر نساء محتاجين
    عطفك وحنانك ايها الرجل المغرور......
    اياك اجيلك فاتحة دراعى وطالبة دعمك وتدور وشك عنى
    لانى ساعتها هلاقى الف دراع مفتوحة لية!!!!
    اياك امد ايدى طالبة منك تسندى وتقوينى الاقيك بتسحب ايدك منى
    لانى ساعتها هلاقى الف ايد ممدودة لية!!!!!
    اياك توصلنى ليوم اشحت منك الحنان
    لانى يوم ماهحس انك بتحسن علية بعواطفك هقولك من غير ندم
    خلهالك ...انا مش محتاجة صدقة منك
    وفى الاخر انت اللى هتندم لانك ضيعت الانثى بداخلى



    منقول لجماله


    الشروق
    مشرف عام عالم حواء
    مشرف عام عالم حواء

    زقم العضويه : 120
    عدد المساهمات : 3932
    نقاظ : 8772
    السٌّمعَة : 143
    تاريخ التسجيل : 11/04/2010
    العمر : 39

    m4 رد: لو مكنتش انت تدلعني ......... مين هيدلعني

    مُساهمة من طرف الشروق في الإثنين يونيو 07, 2010 3:08 pm

    موضوعك جميل ومفيد
    وياريت كل الرجال تعرف الكلام ده
    تسلم ايدك






    ????
    زائر

    m4 رد: لو مكنتش انت تدلعني ......... مين هيدلعني

    مُساهمة من طرف ???? في الإثنين يونيو 07, 2010 5:26 pm



    موضوع ررررررائع فعلا ياقلب والاروع انه صدر من رجل

    ياريت كل راجل فعلا يفهم انه هو اللى بيموت الانثى اللى داخل كل امرأه بإهماله لها


    وعدم احساسه بمشاعرها



      الوقت/التاريخ الآن هو الخميس ديسمبر 08, 2016 5:06 am