شلة اصحاب على النت

حاااااااااااااسب ياسطى __online

انضم إلى المنتدى ، فالأمر سريع وسهل

شلة اصحاب على النت

حاااااااااااااسب ياسطى __online

شلة اصحاب على النت

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Bookmark


الاعلان فى المنتدى مفتوح مجانا امام كل صديق  معنا بمنتدى الشلة
عليه فقط الضغط هنا وكتابة رسالة بطلب الاعلان
سمى الله واضغط هنا واكتب رسالتك

http://up.progs4arab.com/uploads/de0bdf66b3.jpg
http://up.progs4arab.com/uploads/00fa7905f7.jpg


حاااااااااااااسب ياسطى Bestlearn110

حاااااااااااااسب ياسطى Banner3


حاااااااااااااسب ياسطى 10010
اول موقع مصري عربي لتحميلات و شرح برامج و بوتات سرفرات Xmpp/Jabber باللغه الأنجليزيه لمنافسه المرمجين الروسين و الايرانين و الاندونيسين بلغتهم
او اللغه الثانيه في كل انحاء العالم ارجو منكم الزياره و الدعم.... بواسطه: محمد جمال 201225516116+



2 مشترك

    حاااااااااااااسب ياسطى

    نورالهدى
    نورالهدى
    صديق فعال
    صديق فعال


    عدد المساهمات : 77
    نقاظ : 5141
    السٌّمعَة : 3
    تاريخ التسجيل : 29/07/2010

    m9 حاااااااااااااسب ياسطى

    مُساهمة من طرف نورالهدى الثلاثاء أغسطس 31, 2010 11:36 pm


    السلام عليكم ورحمة الله وبركاته
    بلدنا فعلا" عربية "مش لانتمائها العربي فقط لا وهي كمان عاملة زي (العربية) كل شويه يجي واحد يسوقها وينزل ويجي واحد وراه وهكذا وعلشان كل الي بيركبها بيتعلم السواقة عليها بقت "مهكعة" وأجنابها بقت مخبطة وحالتها تصعب علي الكافر ومحتاجة ظبط زوايا ....

    سواقها الحالي" متبت" في "الدريكسيون" يجي من ربع قرن واكتر كمان مش عايز يمسك حد بداله طبعا هو متصور ان مفيش لا قبله ولا بعده في السواقة وحاطط رجلة علي "البنزين" وماشي يتخبط بيها شمال ويمين والركاب المساكين لاحول لهم ولا قوة الكل خايف من بطش السواق ومن " المطوة " الي حاططها قدامه علي " الطابلون "ولو راكب من دول حب يعمل فيها "عنتر " ولا " ابوزيد الهلالي " ويقول للسواق اوقف عندك "حااااااااااسب يا اسطي"
    هيتحدف من الباب وعملا بالقول المآثور اضرب المربوط يخاف السايب
    كل الركاب ساكتين ومفيش واحد قادر يوقف العربية علشان الاسطي الكبير قاعد لوحده في الكابينة مفيش حد جنبة حتي لأن "التباع" بتاعه شاله من " 20 " سنة ولما الركاب صرخوا في وشه بقى في عربية من غير تباع" ياعم الأسطي" ... هاتلك تباع علشان يساعدك ويهويك شوية
    بص عليهم وقال لهم متخفوش عليا انا كويس كده رد عليه الركاب بس احنا مش كويسين كده علي الاقل نبقي مطمنين لو جرالك حاجه ان فيه الي" هيسوق" من بعدك ...
    رد عليهم وقالهم انا "مبحبش" التباعين اصلهم بيعملولي صداع وكمان مضمنش مش يمكن التباع الي يجي" يخنصر" فلوس من ورايا ويادوب الإيراد الي بتجيبوا العربية يكفيني انا وولادي والست أمهم وبصراحه اكتر انا مضمنش الي يجي يمكن ياخد "الدريكسيون" من ايدي ولما الركاب قالولوا يا اسطي ما "انتا في يوم كنت تباع "ولما السواق الي قبلك" مات" ركبت انتا العربية بداله
    ليه بقى شلت التباع الي كان علي العربية اشمعني انت
    ميبقلكش تباع
    راح باصص عليهم وعليه ابتسامة بريئة وقال لهم "متخافوش" يا جماعه" انا بعلم ابني السواقة وهطلعلوا رخص السواقة" ولما "يتودك "هديلو رخص العربية بعدي ويركبها بدالي بعد عمر طوووووووويل الف بعد الشر عليا انا لسه بصحتي
    رد الركاب وقالو طيب ليه "يا ريس" متختارش حد من الركاب يسوق العربية ويكمل المسيره الميمونة يعني مش هتلاقي وسط الركاب دي كلها واحد بيعرف يسوق!!! رد عليهم" السواقة تكليف مش تشريف"... ومش اي حد يستحمل القعدة علي الكرسي اصله عايز مواصفات خاصه واديكم عارفين انا اخدت ايه من القعدة عليه غير "انزلاق غضروفي" بروح اتعالج منه في المانيا ده غير بقى الأمراض التانية
    صرخ واحد من الركاب يا ناس حراااااااااام كفاية كده عجلات العربية نامت والعربية بقت ماشية علي" الجنط "علي الحديد بتاعها وكل العربيات الي كانت وراها سبقوها بكتير ولو فضلت ماشية بالسرعة دي مش هتحصلهم ولا بعد "ميت" سنه
    رد علية الأسطي وقالو ياعم قول" يا باسط" طول عمرها علي الحديدة وبرضو ماشية انا اصلا" استلمتها" من الأسطي الي قبلي علي الحديدة الله يسامحه بقي
    طيب ما توديها لميكانيكي يا "ابو الأسطوات" ... وبنفس الإبتسامه الجميلة رد عليهم وقال ولزومه ايه الميكانيكي البركة في ولادي بقى ما هما الي بيعملولها" العمره "بنفسهم
    عمره ايه بس ياعم الأسطي دي بقت مهكعة علي الأخر وعاوزة قطع غيار انت بهدلتها علي الأخر يا راجل دا انت استلمتها ولا "المرسيدس" وهتسيبها ومحصلتش "فيات128 "
    رد الأسطي وقال: ده ذنب الركاب أصلهم" كتير" اوي وانا بقى محبش الركاب الكتير وطول عمري اقول كفاية ركاب لحد لما العربية اتملت وانا خايف عليها اصل عليها اقساط
    رد الراكب: ما البركة فيك يا ريس انتا وولادك عمالين تسحبوا قروض بضمان العربية والإيراد الي بتجيبوا شافطينوا أول بأول ... وبنفس الإبتسامه السحرية رد الاسطي الكبير اصل الولية مراتي خايفه" اتجوز" عليها علشان كده بتسحب الفلوس من جيبي أول بأول وتقولي ما هي الفلوس الي بتجيبها العربية لمين يعني مش لولادنا ربنا يخلي لينا العربية ويخليك لينا يا اسطي فجاه حصلت كركبه ف العربية
    الراكب: بص قدامك يااسطي حاسب تلبس في عامود
    وبلهجة الواثق من نفسة رد الأسطي العربية دي طول عمرها متعودة علي الحوادث وياما عربيات خبطت فيها ومع ذلك ولا بيهمها وبترجع تاني احسن من الأول
    الراكب:دا علشان عضمها ناشف وشديدة بس عمايلك انتا فيها اشد..بص الأسطي بغضب للراكب وقالو والله الي مش عاجبة ينزل !!!!!
    وابقو قابلوني لو لقيتو قائد ليها احسن مني مد الأسطي إيده وأخد شريط من علي الطابلون وحطه فى التسجيل وعلي انغام اخترناه ....اخترناه
    اخذ يتمايل فرحا وهو ماسك مطوة فى ايده فجاة العربية مالت بالركاب ولقيو نفسهم نازلين منحدر شديد مش باين له نهاية الركاب ابتدوا يصرخوا وقف العربية
    كفاية...كفاية...كفاية
    الركاب قعدو يدعو فى سرهم ان ربنا يخلصهم من السواق البلطجي ده... بص ناحيتهم الراكب اللمض اياه وقالهم ان الله لا يغير ما بقوم حتي يغيرو ما بأنفسهم انتوا لازم تتحركو وتحاولوا تاخدو" الدريكسيون "من ايد اخينا قبل ما يغورنا فى داهية وتحدفوه من باب العربية عند اول خرابة تقابلكم
    رد الركاب علية وقالوله احنا مالنا هي كانت عربية الي خلفونا ادينا راكبين خلينا نوصل علي خير احنا ورانا عيال بنربيها ومفيش قدامنا غير اننا ندعي لربنا انه يوصلنا لبر الأمان بالسلامة
    اقترح واحد من الركاب ايه رأيكم نفتح " زجاج العربية "ونصرخ لاي عربية معدية ونقلوهم الحقونااا
    رد اللمض وقالو طيب ايش ضمنك يا فالح مش يمكن الي يجي علشان يخلصنا من السواق بتاعنا يركب هو بدالة... رد صاحب الإقتراح طيب ايه العمل... بص له اللمض وقالو احنا الركاب واحنا الي لازم ننقذ نفسنا
    والأسطي مازل يهبط ويهبط ويهبط بالعربية ومحدش عارف هيوديها لفين
    ومازال الركاب بيصرخوا
    حااااااااااااااااااااااااااااااااااااااااااااااااا اااااااااااسب ياسطي


    Anonymous
    ????
    زائر


    m9 رد: حاااااااااااااسب ياسطى

    مُساهمة من طرف ???? الأربعاء سبتمبر 01, 2010 1:48 pm

    عروستى؟!!!!!!!!!!!!!!!!


    الركاب ابتدوا
    يصرخوا وقف العربية


    كفاية...كفاية...كفاية


    يااااااااااااااااااااااريت الركاب تصرخ
    العاشق
    العاشق
    مشرف
    مشرف


    زقم العضويه : 23
    عدد المساهمات : 1159
    نقاظ : 6728
    السٌّمعَة : 15
    تاريخ التسجيل : 24/01/2010
    العمر : 46
    الموقع : brityeye@yahoo.com

    m9 رد: حاااااااااااااسب ياسطى

    مُساهمة من طرف العاشق الأربعاء سبتمبر 01, 2010 3:14 pm

    وما كان الله مغير ما بقوم حتى يغيروا ما بانفسهم
    لو فكرة يا نور قصة سيدنا العادل سيدنا عمر لما وقف على المنبر وكان هيخطب واحد من الرعية قال له لا سمع ولا طاعة يا عمر فساله لما فقال لان كل واحد اخذ ثلاثة امتار وانت اخذت الضعف فقال الى ابنه عبدالله ليخبرهم
    فقال لهم لقد اعطيت نصيبى الى ابى لانه فيما معناه طويل
    فقال الرجل نسمع ونطيع
    لم يتمر عمر وكان يمللك ليس عربية واحدة وانما كان يمللك كل سيارات العالم
    الرعية ان كانت صالحة اصبح اميرهم صالح وان كانت فاسدة اصبح اميرهم فاسد
    زى ما قلت يا عم وانا مالى كانت عربية ابوى
    احنا ورانا عيال

    وهذا عدم الثقة فى الله عز وجل ورزقه
    لقد هاجر الرسول لما اشتد الايذاء ولم يترك الدين بل عاود
    نحن نستحق لما به نحن من جبن
    لا نامت اعين الجبناء
    العاشق
    العاشق
    مشرف
    مشرف


    زقم العضويه : 23
    عدد المساهمات : 1159
    نقاظ : 6728
    السٌّمعَة : 15
    تاريخ التسجيل : 24/01/2010
    العمر : 46
    الموقع : brityeye@yahoo.com

    m9 رد: حاااااااااااااسب ياسطى

    مُساهمة من طرف العاشق الأربعاء سبتمبر 01, 2010 3:31 pm

    وما كان الله مغير ما بقوم حتى يغيروا ما بانفسهم
    لو فكرة يا نور قصة سيدنا العادل سيدنا عمر لما وقف على المنبر وكان هيخطب واحد من الرعية قال له لا سمع ولا طاعة يا عمر فساله لما فقال لان كل واحد اخذ ثلاثة امتار وانت اخذت الضعف فقال الى ابنه عبدالله ليخبرهم
    فقال لهم لقد اعطيت نصيبى الى ابى لانه فيما معناه طويل
    فقال الرجل نسمع ونطيع
    لم يتمر عمر وكان يمللك ليس عربية واحدة وانما كان يمللك كل سيارات العالم
    الرعية ان كانت صالحة اصبح اميرهم صالح وان كانت فاسدة اصبح اميرهم فاسد
    زى ما قلت يا عم وانا مالى كانت عربية ابوى
    احنا ورانا عيال

    وهذا عدم الثقة فى الله عز وجل ورزقه
    لقد هاجر الرسول لما اشتد الايذاء ولم يترك الدين بل عاود
    نحن نستحق لما به نحن من جبن
    لا نامت اعين الجبناء
    نورالهدى
    نورالهدى
    صديق فعال
    صديق فعال


    عدد المساهمات : 77
    نقاظ : 5141
    السٌّمعَة : 3
    تاريخ التسجيل : 29/07/2010

    m9 رد: حاااااااااااااسب ياسطى

    مُساهمة من طرف نورالهدى الأربعاء سبتمبر 01, 2010 7:09 pm


    شكرا على المرور

    حاااااااااااااسب ياسطى 4858.imgcache

      الوقت/التاريخ الآن هو الجمعة مارس 29, 2024 1:03 am