شلة اصحاب على النت

Bookmark


الاعلان فى المنتدى مفتوح مجانا امام كل صديق  معنا بمنتدى الشلة
عليه فقط الضغط هنا وكتابة رسالة بطلب الاعلان
سمى الله واضغط هنا واكتب رسالتك

http://up.progs4arab.com/uploads/de0bdf66b3.jpg
http://up.progs4arab.com/uploads/00fa7905f7.jpg






اول موقع مصري عربي لتحميلات و شرح برامج و بوتات سرفرات Xmpp/Jabber باللغه الأنجليزيه لمنافسه المرمجين الروسين و الايرانين و الاندونيسين بلغتهم
او اللغه الثانيه في كل انحاء العالم ارجو منكم الزياره و الدعم.... بواسطه: محمد جمال 201225516116+



    حكاية اغنية

    شاطر

    boga
    مشرف عام فكاهة ومرح الشلة
    مشرف عام فكاهة ومرح الشلة

    زقم العضويه : 25
    عدد المساهمات : 1165
    نقاظ : 4161
    السٌّمعَة : 7
    تاريخ التسجيل : 25/01/2010
    العمر : 36
    الموقع : /www.facebook.com

    m13 حكاية اغنية

    مُساهمة من طرف boga في الإثنين نوفمبر 01, 2010 8:07 pm

    اغانى كتير اتعملت مش عشان تبقى مجرد اغنيه وخلاص .. فيه اغانى بتحكى سيره شعبيه .. او بتؤرخ فتره من التاريخ .او بتحكى قصه معينه

    واكيد كل واحد فينا يعرف اغنيه ليها قصه معينه يقولهالنا

    وحبدأ انا باغنيه كنت مفكر ان كلامها كله هلس ومالوش معنى وخلاص لحد ما عرفت اصل الاغنيه ايه فاختلفت نظرتى ليها تماما

    كركشنجي .. دبح كبشه


    الاغنية دي ليها قصة مصريه مليون في الميه .. وقصتها تبدأ من أول ما الشاعر الكبير مأمون الشناوي شاف المطرب أحمد عدويه على أحد المسارح .. قبل ما يبقى عدويه مشهور ولا حاجه .. كان لسه صغير ومافيش حد سمع عنه .. ساعتها مأمون الشناوي قال لمدير المسرح ان الواد ده - قصده عدويه - هيبقى مطرب حلو قوي .. وهيعبر عن الشعب المصري البسيط

    مأمون الشناوي مش أي شاعر ياجدعان .. مأمون الشناوي شاعر كتب لمطربين كبار وكتب أغاني قوية جدا .. يعني كتب اغاني بعيد عنك و دارت الأيام لـ ام كلثوم .. وكتب انا لك على طول و كفاية نورك عليا لـ عبد الحليم حافظ .. مش شاعر صغير يعني ولا بيجامل ولا ليه مصلحه في انه يقول ان عدويه بيعبر عن بساطة الشعب المصري

    طبعا عدويه لما سمع الكلام اللي قالو عمنا مأمون الشناوي انبسط قوي .. واتحمس انه فعلا يوّصل صوته للناس .. وبمجرد ما صوته وصل فعلا وابتدت الناس تعرفه .. راح لعمنا مأمون الشناوي وشكره على انه وقف جمبه زمان .. قام عمنا الشناوي قاللو انه بيعبر عن الشعب المصري .. ولازم يحافظ على طبيعة صوته والاغاني اللي بيغنيها .. قام عدويه طلب من عمنا مأمون الشناوي انه يساعده في ان صوته يوصل فعلا للناس .. وهنا كانت بداية الاغنية دي .. اغنية كركشنجي دبح كبشه


    كركشنجي ده باختصار راجل فقير غلبان من اللي بنشوفهم بيسرحو الصبح بمبخره وعليها شوية بخور .. يدخل المحلات ساعة صُبحية وهو قاصد رب كريم ويقول اصطبحنا وصبح الملك لله .. عم كركشنجي كان فقير وعنده كوم عيال .. بس عنده عِزة نفس رهيبه .. لدرجة ان تجار المحلات لما كان بيجي العيد الكبير ويحبو يدوله منابه من اللحمه .. ماكانش بيرضى .. وكان بيختفي من السوق طول فترة العيد كمان
    وفي مره من المرات اتفقو التجار الكبار انهم يعملو حاجه لعم كركشنجي عشان ولاده يحسو بفرحة عيد اللحمه .. قامو جابوه .. وكل واحد قاللو انت ليك عندي مبلغ مش عارف قد ايه .. ويطلّع نص جنيه .. وواحد تاني يقوللو ليك عندي ربع جنيه .. وتالت يقوللو ليك عندي ريال .. هوب هوب .. جمّعوله سبعه جنيه .. حق الخروف الصغير وقتها
    وقالوله كده انت ياعم كركشنجي تقدر تجيب خروف العيد بتاعك .. وتدبحه بنفسك كمان .. لكن هو خاف يكونو بيعطفو وبيتصدقو عليه .. قامو ضحكو عليه واقنعوه بالطريقه ان ده حقه وانهم مش بيتصدقو عليه ولا حاجه .. وصدقهم عم كركشنجي بعد ما لقى ان شيخ الجامع واللي كان وسطيهم هم كمان .. بيقوللو ان ده حقك فعلا

    .. فرح عمنا كركشنجي بالموضوع ده .. وجه العيد وهو جايب الكبش بتاعه
    .. واتجمعت الناس بعد صلاة العيد وهم فرحانين .. والعيال مبسوطين وبيغنو
    كركشنجي دبح كبشو .. يامحلى مرقة لحم كبشو
    كركشنجي دبح كبشو .. يامحلى مرقة لحم كبشو
    !! وزي ماهو باين .. الغنا والتهليل كان في صيغة انه دبحو خلاص .. مع انه لسه مادبحهوش فعليا
    ده مش كده وبس .. ده عم كركشنجي اصلا مش عارف يدبح ازاي !!؟؟

    .. عَكَشو
    .. يعني عم كركشنجي مِسِك الكبش وحضنو عشان يعرف يسيطر عليه

    فَركِش
    قام الكبش مالص وفَركِش المسكه او العَكشه بتاعة عم كركشنجي

    .. نَكَشو
    .. عم كركشنجي اتغاظ من الكبش .. قام قرصه وهو بيهزر معاه ونَكَشه في قرونه

    طَنِّش
    الكبش طنش هزار ومناكفة ونكش عم كركشنجي

    .. قَلَشو
    .. يعني كركشنجي حب يدبح الكبش على خوانه .. ويقلش أو يِعَدّي السكينة من تحت رقبة الكبش

    اقلـــــــــــــــــــــــش
    من لخفنة عم كركشنجي ولخبطته لأنه مابيعرفش يدبح .. السكينه قلشت والخروف هرب في الشوارع .. والناس بتجري وراه .. وعم كركشنجي بيجري هو كمان وراهم

    هنا بقى تيجي عبقرية عمنا مأمون الشناوي .. الحالة باختصار ان الكبش بيجري في المنطقه .. الناس بتجري وراه وهي بتضحك وبتهزر من الموقف .. وعم كركشنجي وراهم بيجري هو كمان .. بس بيعيط ويندب حظه

    .. سبع سلاطين استسلطناهم من عند المستسلطنين
    عم كركشنجي بيندب حظه على السلاطين - جمع سلطانية - اللي كان جايبهم عشان يحط فيهم اللحمه بتاعة الخروف
    .. تقدر يا مسلطن يا مستسلطن
    .. يعني تقدر ياللي بتتريق وبتضحك عليّ عشان الكبش بتاعي هرب
    تستسلطلنا .. سبع سلاطين زي ما استسلطناهم من عند المستسلطنين
    !! تجيب الكبش بتاعي اللي بيجري .. عشان ادبحو واحط لحمته في السلاطين اللي معايا

    سبع دبابيس استدبسناهم من عند المستدبسين
    يعني سبع دبابيس عشان يدبّس بيهم فروة الخروف من أطرافها بعد ما يندبح .. وبالتالي الفروه يتحط عليها ملح وتنشف علي هيئتها وهي مفروده .. ودي هي عملية دبغ الجلود

    .. تقدر يا مدبس يا مستدبس
    .. يعني تقدر ياللي بتتريق وبتضحك عليّ عشان الكبش بتاعي هرب
    تستدبسلنا .. سبع دبابيس زي ما استدبسناهم من عند المستدبسين
    !! تجيب الكبش بتاعي اللي بيجري .. عشان ادبحو وادبّس الفروة بتاعته

    سبع لحاليح استلحلحناهم من عند المستلحلحين
    يعني سبعه جنيه او لحلوح زي ما طلعت عليه زمان .. جبناهم من عند التجار اللي قالوله انها فلوسه وهو صدق كلامهم وبقى بيتحسر عليهم بجد
    .. تقدر يا ملحلح يا مستلحلح
    .. يعني تقدر ياللي بتتريق وبتضحك عليّ عشان الكبش بتاعي هرب
    تستلحلحلنا .. سبع لحاليلح زي ما استلحلحلناهم من عند المستلحلحين
    !! تجيب سبعه جنيه تانيين عشان اشتري بيهم كبش او خروف تاني

    ----
    الجميل بقى في الاغنية دي .. انها تعتبر مآساة حقيقيه بتعبر عن الغلابه في الشارع المصري بجد .. لكن لما جه حسن ابو السعود الله يرحمه عشان يلحنها .. ماعملهاش موال عشان يغنيه عدويه .. بالرغم من قوة عدويه في غناء الموال .. لكن ابو السعود لحنها في لحن راقص عشان تفضل وتعيش .. والناس اللي بعديهم يسمعوها ويفهمو الحاله اللي كانو قاصدينها
    .. حالة الشعب المصري اللي بيعطف عالغلبان
    .. حالة الغلبان اللي زعلان عشان الخروف بتاعه راح خلاص
    .. حالة ان الخروف بجلالة قدره .. كان بسبعه جنيه
    مش بالفين تلاته زي دلوقتي

    .. الحكايه مش حكاية غنوة ورقص وهشك بشك وهلس .. الحكايه في اللي بين السطور
    بس للي يشغل عقلو

    ملحوظه

    الحكايه دي حكهالي واحد كان في فرقة حسن ابو السعود زمان قوي .. وفضلت معلقه في نافوخي
    .. ممكن تكون صح .. وممكن تكون هجص .. بس هي عجباني زي ماهي كده
    .. على الاقل .. بتخليني افرح لما افتكر المصريين كانو ازاي مع بعض زمان
    وبتخليني اقول يارب .. نرجع لبعض تاني




    magdyomara
    مشرف الاقسام العامه
    مشرف الاقسام العامه

    زقم العضويه : 128
    عدد المساهمات : 3479
    نقاظ : 7260
    السٌّمعَة : 108
    تاريخ التسجيل : 28/04/2010
    العمر : 59

    m13 رد: حكاية اغنية

    مُساهمة من طرف magdyomara في الإثنين نوفمبر 01, 2010 10:41 pm

    السلام عليكم ورحمة الله وبركاتة

    الاخ الغالي / بوجا
    الاول نورت المنتدي وحمدالله علي السلامة
    وحشتنا كتير
    قصة الاغنية دي غريبة شوية

    تسلم ايدك وافكارك الرائعة

    تقبل تحياتي









    MAHMOUD-62
    1
    1

    زقم العضويه : 2
    عدد المساهمات : 1699
    نقاظ : 5102
    السٌّمعَة : 10
    تاريخ التسجيل : 29/12/2009
    الموقع : مصر

    m13 رد: حكاية اغنية

    مُساهمة من طرف MAHMOUD-62 في الثلاثاء نوفمبر 02, 2010 9:10 am

    موضوع رائع بسى الاغنيه لو صوت مسموع كانت افضل
    لانه الكلمات غريبه شويه





    ????
    زائر

    m13 رد: حكاية اغنية

    مُساهمة من طرف ???? في الثلاثاء نوفمبر 02, 2010 10:27 am


    زهرة الليلك
    مديــــــر المنتـــــدي
    مديــــــر المنتـــــدي

    زقم العضويه : 7
    عدد المساهمات : 4378
    نقاظ : 9358
    السٌّمعَة : 45
    تاريخ التسجيل : 02/01/2010
    العمر : 31
    الموقع : سوريا /// العاصمة /////دمشق/////

    m13 رد: حكاية اغنية

    مُساهمة من طرف زهرة الليلك في الثلاثاء نوفمبر 02, 2010 8:01 pm




    [center]لَسْتُ بِهَذَا الغَرُورْ الذِي لا يُطَاقْ

    وَ لَسْتُ الأُنثَى المُتَكَبِرَة التِي لا يَعْجُبَهَاشَيءْ

    !
    كُلْ مَافِي الأمَر

    إنْ طُهْرِي وَ نَقَائِي يَختَلِفْ عَنْ بَقِيَةْ النِسَاءْ

    لِذَلِك لا أَحَد يَسْتَطِيع فَهَمِي سِوَى القَلِيل مِنْ البَشَرْ


      الوقت/التاريخ الآن هو الجمعة ديسمبر 09, 2016 1:06 am