شلة اصحاب على النت

Bookmark


الاعلان فى المنتدى مفتوح مجانا امام كل صديق  معنا بمنتدى الشلة
عليه فقط الضغط هنا وكتابة رسالة بطلب الاعلان
سمى الله واضغط هنا واكتب رسالتك

http://up.progs4arab.com/uploads/de0bdf66b3.jpg
http://up.progs4arab.com/uploads/00fa7905f7.jpg






اول موقع مصري عربي لتحميلات و شرح برامج و بوتات سرفرات Xmpp/Jabber باللغه الأنجليزيه لمنافسه المرمجين الروسين و الايرانين و الاندونيسين بلغتهم
او اللغه الثانيه في كل انحاء العالم ارجو منكم الزياره و الدعم.... بواسطه: محمد جمال 201225516116+



    سمعتوا عن التحميل بالتورنت

    شاطر

    sarrah
    صديق درجة اولى
    صديق درجة اولى

    زقم العضويه : 33
    عدد المساهمات : 297
    نقاظ : 2875
    السٌّمعَة : 0
    تاريخ التسجيل : 28/01/2010

    m4 سمعتوا عن التحميل بالتورنت

    مُساهمة من طرف sarrah في الإثنين فبراير 08, 2010 5:06 am

    دخلت قبل كدة في المنتديات اي موضوع وكان فيه اي حاجة نفسك تحملها؟
    اتصدمت لما لقيت كمية لينكات تحميل تسد عين الشمس وكمان كلها Rapid Share او Mega Upload
    او اي موقع تاني مبيدعمش استكمال التحميل عند انقطاع اتصالك بالنت او سرعته تخنق وتطلع عينك على متحمل كل الاجزاء؟
    طيب اتضايقت اكتر لما لقيت التحميل عن طريق التورينت واخدتها من قاصرها وقلت مش محمل عشان انا معرفش ايه التورينت ده؟

    إستنى هنا.....
    ليه يبقا الحل الاحسن في ايدك وتسيبه؟؟!

    لازم نعرف هو ايه التورينت( (Torrent عشان دي طريقة من افضل الطرق للتحميل حتى لحاجات ممكن متلاقيش الا اسمها على المنتديات!!
    هقولكم الفكرة العامة ليه عشان مدخلش قي الفنيات اللي انا معرفهاش وبعض المصطلحات اللي هنسمعها في طريقنا

    1- هو كأن معنا كارت فيزا فيه كل بينات الحاجة اللي عايزين نحملها وده بيبقا ملف التورينت حجمه كام كيلو بايت وامتداده .torrent وشكله او ايكونته هتتغير على حسب البرنامج المستخدم في تحميل التورينت وده كانه لينك التحميل

    2- الكارت ده بتدخله في المكنة اللي هي برنامج التحميل بالتورينت متوصلة بالبنك الموجود فيه الحاجة اللي عايزين نحملها وهو الموقع المرفوع عليه و طبعا فيه الناس اللي بتحمل بس الجديد هنا ان كل اللي معاهم الكارت او ملف التورينت مش بيحملوا وبس لا ده انت هتفيد وتسفيد بمعنى انك هتحمل وترفع في نفس الوقت Upload and Download بس البرنامج اللي هيعمل كل ده بنفسه
    وكمان على عكس التحميل باللينكات العادية ان كل ما عدد الناس المشتركة في التحميل يزيد السرعة بتزيد مش بتقل

    3- اللي بيربط الناس ببعض هو برنامج متخصص في التحميل بالتورينت واسمه بالانجليزي Client
    Utorrent, BitComet, Azureus


    4- المصطلحات اللي هنسمعها


    • التراكر Tracker وده الموقع اللي عليه ملف التورينت

    • السيدرSeeder وده اللي حمل الملف بالكامل وساب البرنامج شغال عشان يرفع لبقية الناس وده بيبقا حد محترم عشان مش بياخد و يجري

    • اللـيتشـر lecher وده اللي بيحمل بس الملف منزلش عنده بالكامل واول ميتحمل عنده هيبقا سيدر seeder

    • البيـر Peer وده اي حد بيرفع او بيحمل

    • صحة التورينت Torrent Health وده مقدار نشاط ملف التورينت اللي بيزيد مع زيادة الناس اللي بتحمل وكل ميزيد طبعا احسن وعلى فكرة ممكن يوصل ل 4000% وده تقريبا تكون ساحب اقصى سرعة في التحميل والنسبة دي بتبان في برنامج التورينت

    بكدة تقريبا خدنا فكرة صغيرة عن التوررينت ودلوقتي وقت التحميل فعايزين برنامج التورينت وملفات التورينت لاي حاجة احنا عايزين نحملها


    • اشهر برنامج تحميل هو ال Utorrent بس انا مستريح اكتر مع Bitcomet لان واجهته اوضح واسهل كتيير في الاستعمال وفي كمانAZureus

    • اي برنامج نحتاجه نكتب بس اسمه في الجوجل والموقع بتاعه هيبان كاول نتيجة في البحث نخش عليه ونحمل البرنامج من الصفحة الرئيسية

    • ملف التورينت نجيبه من احسن موقع بحث في ملفات التورينت ويعتبر مكتبة ضخمة http://www.torrentz.com وهحطله صورة في الاتاتشمينتس وخطوة خطوة هتشوفوا على سبيل المثال ازاي بنزل كورس الانجليزي Tell me More Performance English

    • في الصورة رقم 1 الصفحة الريئسية للموقع ورقم 1 في الصورة هو شريط البحث عن الملفات Search Bar وبمجرد متبتدي نكتب فيه بيبان اكثر الملفات طلب ( رقم 2 ) نكتب اسم الملف بالكامل tell me more performance English ونضغط انتر او سيرش ( رقم 3 )

    • في الصورة رقم 2 وفيها نتايج البحث عن الملف والحمدلله لقيناه بس ملقناش الا نتيجة واحدة بس اللي جنبها علامة صح بالاحمر اما الاربع نتايج اللي فوق اللي جنبهم علامة X بالاحمر فدي مجرد اعلانات وهتطلع حتى لو دورت على اي كلمة ملهاش اي معنى

      اذا طلع لنا اكتر من نتيجة للبحث يفضل يكون جنبها علامة صح جوة دايرة خضرة زي اللي انا مشاور عليها بالسهم الاخضر ودي معناها ان ملف التورينت Verified يعني الناس مجرباه واتأكدت ان المحتوى سليم وخالي من الفيروسات واذا مكانتش موجودة مش مشكلة خالص ونختار الملف اللي عدد البيرز فيه اكبر ما يمكن وانا محددهم بمربع اخضر
      نضغط على اسم الملف وحجم ملف الكورس 3 جيجا و 157 ميجا ونخش عالصفحة اللي بعد كدة وهقسمها على صورتين عشان كبيرة

    • الصورة رقم 3 فيها المواقع الموجود عليها ملف التورينت وهيجي دورها بعد الصورة اللي جاية

    • الصورة رقم 4 موجود فيها(1) اليوزر فيد باك يعني رأي الناس في ملف التورينت اذا كان مزيف يعني محتوياته مش هي اللي عايزنها او في فيرس او جودة المحتوى مش كويسة زي فيلم مسروق مثلا او برنامج ملفاته مش كاملة او اذا كان مضغوط بباس وورد أو متفيرس (2) محتويات ملف التورينت وهنا ملف واحد هو ال سي دي بتاع الكورس بامتداد .iso وده عشان نعرف قبل مننزل الملف هو في ايه (3) تعليق الناس على ملف التورينت وده ساعات بيبقا مهم عشان في ناس كويسة بترجع للصفحة وتقول رايها في الملف او تقول على الباس وورد لو موجودة او لو سيريال نمبر لبرنامج مكنش مع ملف التورينت وممكن لو عملت اكاونت على الموقع تكتب تعليقك

    • نرجع للصورة رقم 3 ونختار موقع من المواقع الموجودة عشان ننزل منها ملف التورينت وانا بفضل thepiratebay او mininova او fulldls
      دلوقتي مثلا هختار mininova وهنلاقي في الصفحة بتاعته كلمة download this torrent ودي الكلمة اللي هنلاقيها في كل المواقع تقريبا هنعمل عليها كليك يمين ونختار save target as وتحدد المكان اللي هتنزله فيه على الهارد ومبروك عليك الفيزا قصدي ملف التورينت

    • بعد مينزل ملف التورينت هنفتحه بدابل كليك هيشتغل برنامج التورينت عندنا ويادوب هتحدد عايز ال سي دي ينزل فين عالهارد ونعمل ستارت داونلود ونسيبه مع نفسه

    • لشرح اي برنامج من برامج التورينت اكتب اسم البرنامج في الجوجل وجنبه كلمة شرح وهتلاقي باذن الله بس نتاكد من رقم نسخة البرنامج متكونش قديمة اوي عشان اكيد لما تنزل البرنامج هيبقا اخر اصدار منه بس حتى لو الشرح قديم هنعرف الاساسيات

    قطرات الندى
    مشرف عام للمنتدى
    مشرف عام للمنتدى

    زقم العضويه : 32
    عدد المساهمات : 876
    نقاظ : 3903
    السٌّمعَة : 0
    تاريخ التسجيل : 28/01/2010

    m4 رد: سمعتوا عن التحميل بالتورنت

    مُساهمة من طرف قطرات الندى في الإثنين فبراير 08, 2010 6:18 am

    كنت باستعمل التورنت فى التحميل بس كانت بتواجهنى فيه مشاكل
    زى مثلا لما احمل فيلم اجنبى
    لازم احمل الفيلم لوحده
    وملف الترجمه لوحده
    وانزل برنامج لدمج الترجمه مع الفيلم
    عندك حل للموضوع ده؟

    sarrah
    صديق درجة اولى
    صديق درجة اولى

    زقم العضويه : 33
    عدد المساهمات : 297
    نقاظ : 2875
    السٌّمعَة : 0
    تاريخ التسجيل : 28/01/2010

    m4 رد: سمعتوا عن التحميل بالتورنت

    مُساهمة من طرف sarrah في الإثنين فبراير 08, 2010 11:24 am

    انا هعمل سيرش على الموضوع ده وهجيبلك الرد طبعا باذن الله

      الوقت/التاريخ الآن هو السبت ديسمبر 10, 2016 1:45 pm