شلة اصحاب على النت

Bookmark


الاعلان فى المنتدى مفتوح مجانا امام كل صديق  معنا بمنتدى الشلة
عليه فقط الضغط هنا وكتابة رسالة بطلب الاعلان
سمى الله واضغط هنا واكتب رسالتك

http://up.progs4arab.com/uploads/de0bdf66b3.jpg
http://up.progs4arab.com/uploads/00fa7905f7.jpg






اول موقع مصري عربي لتحميلات و شرح برامج و بوتات سرفرات Xmpp/Jabber باللغه الأنجليزيه لمنافسه المرمجين الروسين و الايرانين و الاندونيسين بلغتهم
او اللغه الثانيه في كل انحاء العالم ارجو منكم الزياره و الدعم.... بواسطه: محمد جمال 201225516116+



    حلوة ياكوسة يا مقمعة

    شاطر

    الشروق
    مشرف عام عالم حواء
    مشرف عام عالم حواء

    زقم العضويه : 120
    عدد المساهمات : 3932
    نقاظ : 8770
    السٌّمعَة : 143
    تاريخ التسجيل : 11/04/2010
    العمر : 39

    m11 حلوة ياكوسة يا مقمعة

    مُساهمة من طرف الشروق في الثلاثاء ديسمبر 21, 2010 10:51 pm

    حلوة ياكوسة يا مقمعة




    طبعاً اتعودنا كلنا نقول كلمة (كوسة)



    علي اي حاجة بتيجي كدة لأي إنسان من غير مايكون ليه فيها حق



    ..وفي غيره احق بها منه ..وياما كتير منا اتعذب بسبب موقف في حياته زي ده



    أو (هيتعذب) لسة !!وده بقي كله ممكن يبقي بسبب (الكوسة)..

    او يعني الوسطة !!بس احنا من أول ماتولدنا واحنا بنسمع الكلمة دي !!



    وبقينا نقولها من غير ما حد يفكر اشمعني (الكوسة) يعني ؟؟



    ..ليه مختاروش اي حاجة تانية (خيار - بطاطس - بصل)..



    !!اشمعني ؟؟؟؟!!!!!


    انا ها قول لكوا ...




    كان يامكان ايام زمان



    ..احد الولاة العثمانيين (لاأذكر أسمه بالتحديد) ..
    اول لما مسك الحكم عمل سور كبير شبه دائري حول مدينة ما ..
    وكان لهذا السور باب ضخم كبيررررر .. يحرسه حُررراس أقوياء البنية ...
    بس الوالي ده بقي منع



    ان اي بائع يبيع اي خضار داخل حرم تلك المدينة غير الكوسة



    علشان هو كان بيحبها جداااااً !!



    وبالتالي كان كل يوم لما يُمنع حد من الدخول من تجار الخضار



    ويكون بجانبة ِ بائع (الكوسة) يمر من الباب من غير اي تعب ولا حاجة .



    .يقوم قايل له اه ياعم مهي (كوسة) !!



    ودى كانت بداية الكوسة



    اقصد بداية ارتباط الكوسة بمعنى كلمة الكوسة فى قاموس الشارع المصرى






    نبدا موضوعنا بالنزول للشارع المصرى ومعرفة
    راى بعض افراد المجتمع المصرى فى الكوسة

    اول لقاء مع احد شبابنا خيرة شباب بولاق ابو العلا

    وكان لنا معه هذا اللقاء


    صباح الخير ...
    ياصباح الهنا يامزمزييل ..
    نتعرف بيك ..
    اخوكى المعلم دوكشا..
    دوكشا موضوعنا النهاردة عن الكوسة
    عايزيين نعرف رايك فيها .. ياابو الشباب
    كوسه ايه وبطاطس ايه كلمبنى على اللحمه الفراخ
    الحاجات اللى بنشوفها من العيد للعيد دى ..
    لا يادوكشا فهمتنى غلط انا بتكلم على الواسطة اللى هى بنسميها فى بلدنا (كوسة) ..
    اهااا قصدك الكوسة اللى هى الكوسة دى بتاعه ابرز تنجز ياباشا
    على راى الفنان رضا البحراوى معاك فلوس تدوس ..
    واضح انك متاثر اوى هل فيه حاجة معينه حصلت معاك وصلتك للمرحلة دى ..
    بصى انتى مش غريبة انا هاقولك على اللى حصل لى
    الباشا امين شرطة القسم حب يشغلنى مرشد بعد ما توبت توبه نصوحة والحمد لله
    لكن انا رفضت انا ارشد على اصحابى انا مش خسيس يااستاذة
    المنطقة كلها بتحلف بحياتى ارشد على صحابى لا ممكن ابداً ..
    ؟ وعملك ايه
    حضرة اليوز باشا امين القسم ..
    خدنى ياباشا واتروقت فى القسم اخر تروقيه ..
    ؟ ؟ وعملت ايه بعدها
    ارشدت ياباشا عنهم هما كانوا من بقيت اهلى يعنى
    ما هما عيال صييع ويستهلوا برضه
    بقولك ايه باابلة معا كيش سجارة عشان اخوكى
    خمران من الصبح

    عيب يامعلم التدخين حرام

    وفى لقاء اخر مع احد سيدات المجتمع

    ياصباح اللى بتغنى ياحاجة ..
    اهو صباح يا بنتى زى اى صباح ..
    نتعرف بيكى ياحاجة ..
    خا لتك ام كعبورة ..
    ماشى ياخالتى ام كعبورة
    تعرفى ايه عن الكوسة ياحاجة ..
    الكوسة الله يجازى شيطانك يابت فكرتينى بالمرحوم
    ربنا يجحمه ويجحم ايامه فى يوم من بتوع زمان دول
    وكنت لابسه العبايه البمبى
    وعملاله حله كوسه انما ايه يابت تاكلى صوابعك وراها
    وداخله عليه بالحله لقيته شافنى سورء وقع وخبره طلع فى ساعتها ..
    اعذرينى ياحاجة فكرتك بالمرحوم وعملتى ايه ياحاجة ساعتها ..
    بعت الواد كعبورة جابلنا حته جبنه قديمه وبيضتين
    وكان فيه ربع بطيخه عندنا فى التلاجه وقضناها ..
    ياحاجه والمرحوم .. مرحوم مين يابت افتكرى لنا حاجه عدله هو ده كان يتعاشر ..
    ماشى ياحاجة خلاص اسكتى ربنا ياخدك .. بتقول ايه يابنتى .. لا ياحاجه بشكر فيكى
    بس انا ياحاجة اقصد الكوسة اللى هى بتاعه الناس البتاخد حاجه متستهلهاش ..
    اها يابنتى والنبى لتكلمى لنا حد من المسئولين يشوف لنا حل
    فى صاحب الفرن اللى تحتينا ده تبقى واقفة فى طابور العيش بقالك 6 ساعات
    وتلاقى الناس داخلة من جنبك تقول له افتح ياعوض ويفتح عوض
    يقوله مين ده يقوله اخو صاحب الفرن والتانى وراه يقولك دول اصحاب ابن صاحب الفرن
    والغريب تلاقى الخارج مكرمش 2 جنيه ويرزعهم فى جيب عوض اللى ورا ..
    وانتى ياحاجة مبتعمليش زيهم كده ليه .. يابنتى وانا لاقيه اكل
    ده الواد كعبورة حتى من ساعه ما اشتغل ومحدش بيشوف وشه
    وبطل يسال عليا الواطى .. ما شاء الله ما شاء الله واشتغل ايه كعبورة ..
    عقبال ولادك ولادى ايه انا لسه انسه
    ياعينى يابنتى وده من ايه ياضنايا
    لاياحاجة انتى مش فاهمة لسة مش اتجوزت
    ياعينى يابنتى مع انك قمر هما الرجالة اتعموا فى عنيهم والا ايه
    ههههههههه ربنا يخليكى ياحاجة لسه مش جه النصيب
    طب اسمعى ماتتجوزى كعبورة ده حايفرح اوووى والنبى ده نفسه يتجوز
    هههههه لا كعبورة ايه متشكرة ياحاجة انا اتاخرت على مامتى
    استنى يابنتى ده انا بادورله على عروسة وانت حلوة وزى العسل وشكللك الافرنكا
    ده كسيب وشاطر وبيعرف يجيب الجنيه
    مش تسالينى بيشتغل ايه؟
    ده
    تاجر مخدرات اد الدنيا وربنا وسعها عليه من وسع
    ميرسيى ياحاجة
    بس اسمعى ياشابة والله حايستتك ويهننك
    وتتكنى بدل ماتكلمى الناس كده فى الشوارع
    بس نسينى ابن الموكوسه ..
    موكوسه دى فيها كوسة برضه ياحاجة ..
    امشى يابت من اودامى انت والكوسه بتاعتك دى وجعت دماغى

    *****

    طبعاً اكيد الكوسة ليها تاثير فى كل واحد فينا سواء تاثير سلبى او ايجابى

    يعنى جوزاختى مثلاً كان مسافر هو واخويا من كام يوم
    واتمسكوا على الطريق ردار الامين وقفهم ولسه هياخد الرخص للظابط
    جت عربيه نقل جنهم راح جوز اختى مكرمش 50 جنيه فى ايده
    وقال اخلص الظابط مش شايف راح مطبقها فى جيبه
    وبصوت اجش عدى عدى طبعاً الكوسة نفعتهم هنا عشان مخالفه الردار ب250 جنيه

    اللى عايزين نوصله هنا هل مجتمعنا ينفع يتعاش فيه من غير كوسة
    طب هل احنا الغلط ولا هما ؟ وهل مراية الكوسة عامية ؟
    اللى يعرف يبرز ينجز ويقول يلا نفسى ؟

    بمناسبة قرب الانتخابات انتظروا الصورة دى قريباً
    عشان تعرفوا شهرة الكوسة



    شعار الموضوع



    I Love kosa
    اللى يدخل الموضوع يجيب معاه 2كيلو كوسة
    ايوة عشان نعمل محشى






    magdyomara
    مشرف الاقسام العامه
    مشرف الاقسام العامه

    زقم العضويه : 128
    عدد المساهمات : 3479
    نقاظ : 7258
    السٌّمعَة : 108
    تاريخ التسجيل : 28/04/2010
    العمر : 59

    m11 رد: حلوة ياكوسة يا مقمعة

    مُساهمة من طرف magdyomara في الثلاثاء ديسمبر 21, 2010 11:40 pm

    السلام عليكم ورحمة الله وبركاته



    الاخت نوارة المنتدي تسلمي علي هذا الموضوع
    وفعلا الكوسة هي الي ماشية هذة الايام
    لكي كل الشكر والاحترام







    عبدو
    مشرف
    مشرف

    زقم العضويه : 160
    عدد المساهمات : 1381
    نقاظ : 4099
    السٌّمعَة : 75
    تاريخ التسجيل : 11/07/2010
    العمر : 45
    الموقع : الجميع

    m11 رد: حلوة ياكوسة يا مقمعة

    مُساهمة من طرف عبدو في الأربعاء ديسمبر 22, 2010 12:37 am


    بنوتة الشام
    مراقب عام المنتدى
    مراقب عام المنتدى

    زقم العضويه : 84
    عدد المساهمات : 3916
    نقاظ : 7756
    السٌّمعَة : 119
    تاريخ التسجيل : 03/03/2010
    العمر : 36
    الموقع : سوريا

    m11 رد: حلوة ياكوسة يا مقمعة

    مُساهمة من طرف بنوتة الشام في الأربعاء ديسمبر 22, 2010 1:05 am



    جبتلك الكوسا يا شروق



    اي خدمة تانية من عيوني

    ههههههههههههههههههه




    عمراحمد
    مشرف
    مشرف

    زقم العضويه : 279
    عدد المساهمات : 529
    نقاظ : 3254
    السٌّمعَة : 39
    تاريخ التسجيل : 19/10/2010
    العمر : 47
    الموقع : omar_drfal_200917@yahoo.com

    m11 رد

    مُساهمة من طرف عمراحمد في الأربعاء ديسمبر 22, 2010 7:59 am

    علي قدر حبي لهذه الكوسه
    الا انني اعاني من افعالها
    وصدقيني هي رقم واحد
    وللغلبان لايوجد غير الله ولنا جميعا
    شكرا ست الكل
    بس ياريت كنتي عملتيها طبق
    لكي الشكر


    زهرة الليلك
    مديــــــر المنتـــــدي
    مديــــــر المنتـــــدي

    زقم العضويه : 7
    عدد المساهمات : 4378
    نقاظ : 9356
    السٌّمعَة : 45
    تاريخ التسجيل : 02/01/2010
    العمر : 31
    الموقع : سوريا /// العاصمة /////دمشق/////

    m11 رد: حلوة ياكوسة يا مقمعة

    مُساهمة من طرف زهرة الليلك في الأربعاء ديسمبر 22, 2010 7:30 pm



    وادي الكوسا ياشرووووق هااااااااا هاناكلها امتى بقى

    تسلم ايديكي بجد واللــــــــــــــــه طعمها لذيذ جداااااااااا




    [center]لَسْتُ بِهَذَا الغَرُورْ الذِي لا يُطَاقْ

    وَ لَسْتُ الأُنثَى المُتَكَبِرَة التِي لا يَعْجُبَهَاشَيءْ

    !
    كُلْ مَافِي الأمَر

    إنْ طُهْرِي وَ نَقَائِي يَختَلِفْ عَنْ بَقِيَةْ النِسَاءْ

    لِذَلِك لا أَحَد يَسْتَطِيع فَهَمِي سِوَى القَلِيل مِنْ البَشَرْ


    الشروق
    مشرف عام عالم حواء
    مشرف عام عالم حواء

    زقم العضويه : 120
    عدد المساهمات : 3932
    نقاظ : 8770
    السٌّمعَة : 143
    تاريخ التسجيل : 11/04/2010
    العمر : 39

    m11 رد: حلوة ياكوسة يا مقمعة

    مُساهمة من طرف الشروق في الأربعاء ديسمبر 22, 2010 8:11 pm

    شكرا ليكم جميعا يا اصدقائى

    ومن عنيه هعملكم اكلت كوسه حلو تكرمى بنوته انتى وزهرة






    حنان
    صديق فعال
    صديق فعال

    زقم العضويه : 217
    عدد المساهمات : 82
    نقاظ : 2424
    السٌّمعَة : 15
    تاريخ التسجيل : 24/08/2010

    m11 رد: حلوة ياكوسة يا مقمعة

    مُساهمة من طرف حنان في الأربعاء ديسمبر 22, 2010 9:59 pm

    موضوعك حلو ياشروق وده من الواقع بتعنا

    فى كل مكان الكوسه تكسب جزاك الله كل الخير


      الوقت/التاريخ الآن هو الثلاثاء ديسمبر 06, 2016 11:08 am