شعار الحزب الوطني - من اجلك انت
????- زائر
قصيدة عاميه للشاعر معتمد علي بمناسبة شعار الحزب الوطني
من أجلك انت.....
من أجلك انت
راضي لو اتسرقت
عادي لو اتخنقت
صاعد ..وانا تحت
من اجلك انت
ترميني موجة لموجة
وارجع تلميذ ياخوجة
اتحرم من الخروجة
عشان انت أمرت
من اجلك انت
استحمل اي حماقة
واصدق وعود براقة
بروح صابرة مشتاقة
لاشربت ولاأكلت
من اجلك انت
يتحرق دمي يومياتي
وتقل معاك ضحكاتي
افرح ظقطط ياحياتي
ياللي طلعتلي م البخت
من اجلك انت
في الشجرة عقلي لبس
ومؤشر حظي يتعكس
من بعد الهنا بتوكس
ومن سعادتك اتعقدت
اكمنك رمز للهدوء
وتبان من برة ذوق
ف جنينة الحقايق خازوق
لما رأيته شهقت
من اجلك انت
ينزعوا مني الهويه
واللي باقي من المهية
يتصرف على أدويه
حبوب منع الكبت
????- زائر
إذا كان لأجلى!
هأتولى إمارة..
وخلونى مرة أشكل وزارة..
أو ادونى شقة يا كشك فى مارينا..
أو ادونى حجرة فى سطح عمارة..
إذا كان لأجلى!
صحيح مش كلام..
قولولى المصانع حاتتباع بكام..
ولازم أوافق على البيع بنفسى..
وأخد نصيبى أنا والمدام..
إذا كان لأجلى ولأجل عيونى..
بلاش تضربونى وبلاش تركبونى..
وخفوا ديدانكم من القمح حبة..
وبلاش لأجل كلمة ومقال تسجنونى..
إذا كان لأجلى سيبونى أعبر..
ووقت الأدان أهلل وأكبر..
سيبونى براحتى بعلمى وصراحتى..
بلاش كل حاجة أقضيها مجبر..
إذا كان لأجلى تعالوا عشانى..
أنا أخد مكانكم وتاخدوا مكانى..
إذا حد منكم جاوبنى ووافق..
راح أقطع دراعى وأخرم ودانى..
وإذا كان جنابك مصمم لأجلى!..
تسيب «..» حبة وأسكن فى قبلى..
وحوت الحديد يدوق الصعيد..
وقطر الغلابة اللى قطعلى رجلى..
إذا كان لأجلى! بانيتو السجون..
وباعتين ورايا العسس والعيون..
هاتعملوا إيه تانى ينفع لأجلى..
وأنا شفت منكم عذاب ألف لون.
سيد أحمد الهمشرى
هأتولى إمارة..
وخلونى مرة أشكل وزارة..
أو ادونى شقة يا كشك فى مارينا..
أو ادونى حجرة فى سطح عمارة..
إذا كان لأجلى!
صحيح مش كلام..
قولولى المصانع حاتتباع بكام..
ولازم أوافق على البيع بنفسى..
وأخد نصيبى أنا والمدام..
إذا كان لأجلى ولأجل عيونى..
بلاش تضربونى وبلاش تركبونى..
وخفوا ديدانكم من القمح حبة..
وبلاش لأجل كلمة ومقال تسجنونى..
إذا كان لأجلى سيبونى أعبر..
ووقت الأدان أهلل وأكبر..
سيبونى براحتى بعلمى وصراحتى..
بلاش كل حاجة أقضيها مجبر..
إذا كان لأجلى تعالوا عشانى..
أنا أخد مكانكم وتاخدوا مكانى..
إذا حد منكم جاوبنى ووافق..
راح أقطع دراعى وأخرم ودانى..
وإذا كان جنابك مصمم لأجلى!..
تسيب «..» حبة وأسكن فى قبلى..
وحوت الحديد يدوق الصعيد..
وقطر الغلابة اللى قطعلى رجلى..
إذا كان لأجلى! بانيتو السجون..
وباعتين ورايا العسس والعيون..
هاتعملوا إيه تانى ينفع لأجلى..
وأنا شفت منكم عذاب ألف لون.
سيد أحمد الهمشرى
????- زائر
من أجلك أنت..
جبت جرنان الخميس..
قلت أشوف البخت يمكن..
يتنصف مرة التعيس..
أصل أنا اتخصخصت بدرى..
والزمن ده أسود غطيس..
بس لأجل الحق برضك..
حظى مع فول الدميس
والرغيف معركته سهلة..
لو ما يحماش الوطيس..
أيوه يا مصر إنت غالية..
بس إنسانك رخيص..
فجأة بأقلب ف الجريدة..
شفتلك «مطلوب رئيس»..
قلت مش ممكن ح يحصل..
حتى لو.. طب والعريس..
دي المسائل باينة جداً..
شكلها بترسم وريث..
ولا عايزين حد يعنى..
حبتين يتحط ميس؟..
قلت كمل تانى واقرأ.. يمكن الإعلان دسيس..
برضو مش مطلوبة خبرة..
أو مؤهل قلت هيص..
قلت جمد يلا قلبك..
واترسم واكوى القميص..
ده أنت شاعر برضو جامد..
يعنى من معدن نفيس..
يلا خد رزمة قصايدك..
حطها ف عين الجعيص..
وأنت فيك إيه رح يعيبك..
بس برضو كن حريص..
لـ المسائل تنتهيبك..
وأنت ف أقسام البوليس..
قلت أشاور صاحبى قاللى..
إتلهى خليك حسيس..
أنت ح تخرف يا شاعر..
بص شوف نفسك وقيس..
ده أنت لو تمنت نفسك..
تسوى كيلو خيار ف كيس..
بص للإعلان وقاللى..
حتى مش بتشوف بصيص!..
ده الكلام عنوانه متنى..
آخرتك ح تروح فطيس..
طب رئيس مكتوبة فعلاً..
بس شيطانك خسيس..
دهولك خلاك قريتها..
ناقصة كلمة «للأوفيس»!
محمد كمال محمد
جبت جرنان الخميس..
قلت أشوف البخت يمكن..
يتنصف مرة التعيس..
أصل أنا اتخصخصت بدرى..
والزمن ده أسود غطيس..
بس لأجل الحق برضك..
حظى مع فول الدميس
والرغيف معركته سهلة..
لو ما يحماش الوطيس..
أيوه يا مصر إنت غالية..
بس إنسانك رخيص..
فجأة بأقلب ف الجريدة..
شفتلك «مطلوب رئيس»..
قلت مش ممكن ح يحصل..
حتى لو.. طب والعريس..
دي المسائل باينة جداً..
شكلها بترسم وريث..
ولا عايزين حد يعنى..
حبتين يتحط ميس؟..
قلت كمل تانى واقرأ.. يمكن الإعلان دسيس..
برضو مش مطلوبة خبرة..
أو مؤهل قلت هيص..
قلت جمد يلا قلبك..
واترسم واكوى القميص..
ده أنت شاعر برضو جامد..
يعنى من معدن نفيس..
يلا خد رزمة قصايدك..
حطها ف عين الجعيص..
وأنت فيك إيه رح يعيبك..
بس برضو كن حريص..
لـ المسائل تنتهيبك..
وأنت ف أقسام البوليس..
قلت أشاور صاحبى قاللى..
إتلهى خليك حسيس..
أنت ح تخرف يا شاعر..
بص شوف نفسك وقيس..
ده أنت لو تمنت نفسك..
تسوى كيلو خيار ف كيس..
بص للإعلان وقاللى..
حتى مش بتشوف بصيص!..
ده الكلام عنوانه متنى..
آخرتك ح تروح فطيس..
طب رئيس مكتوبة فعلاً..
بس شيطانك خسيس..
دهولك خلاك قريتها..
ناقصة كلمة «للأوفيس»!
محمد كمال محمد
محمود عبدالله- مدير عام المنتدى
- زقم العضويه : 1
عدد المساهمات : 7882
نقاظ : 17829
السٌّمعَة : 44
تاريخ التسجيل : 29/12/2009
العمر : 54
الموقع : مصر
- مساهمة رقم 4
رد: شعار الحزب الوطني - من اجلك انت
من طرف محمود عبدالله الثلاثاء يونيو 01, 2010 12:51 pm
كلام عامى بسى فى الصميم
بجد روعه وتسلم يدك
بجد روعه وتسلم يدك