قصيدة ست البنات

كانت تعدي
في الشوارع
والحارات
تزرع....فَرَح
وتسيب وراها
-لما تمشي-
في القلوب
لهفه وأهات
كانت "شهيّه"!!
عيونها كانوا..
شبّاكين
طالّين عليّا
والصبيّه
ف كل كلمه
وكل غمزه تقول ..
أنا:
ست البنات
بتقوم..
يقوم الفجر
تضحك..
يتولد من ضحكها
نور النهار
ينشر..عمار
كانت تبات..
ويبات ف قلبي حلمها
وف قلبها
يااااااقلبها
سكّر..نبات
كانت صغيره
والضفيره
تملا كل الكون صهيل
كانت:
هديل
بتميل..تميّل بختِنا
وتهزّ نخلة حلمنا
يسقط.....
غمام
وتنام..
تصحّي في العروق
أسراب.. حمام
كان حلمها فارس أصيل
أسمر ..
جميل
مصري..
جدع
لما توشوش في الودع
تلقاه دليل
كانت هديل والنيل
صحاب
طلّ الغياب
عرّاف بيقرا
فوق خريطة جسمها
مليون..عتاب
راحوا الصحاب
واتفرّقوا........
وفْضِلْت وحدي بنتظر
خمسييييين ..سنه
ولا عادش للشارع ..
هديل
ولا عاد..نخيل
ولاعادش فاضل
في الحكايه
غير......خلا
قلبي اللي عمره مااتملا
.........قلبي الجريح
وف كل ليله بينفرط
عصفور........
وريح.

ااقولك يااستاذ مجدي

شكلها كلمات اغينة او بمعنى تنفع

اديها لبوجا خليه يلحنها

تسلم ايديك جميلة والله

[/color][/color][/color][/size][/center][/b][/font]

الاخت / زهرة اشكرك علي مرورك الكريم
الاخت / بنوتة الشام لكي كل التقديؤر لمرورك الكريم

تقبلوا تحياتي

تسلم إيدك يا مجدى جميل أوى معانيها
تعرف حسيت بإنها بنت من الريف جمالها بسيط أوى
و طلتها رقيقة جمالها من الطبيعة و كأنها مصر فى عز مجدها و أصلتها
بجد يا مجدى جميلة جدا

السلام عليكم ورحمة الله وبركاتة

الاخت / جوليت
اشكرك علي مرورك والف شكر علي اجمل تعليق كل زوق والله

تقبلي تحياتي

ست البنات
بتقوم..
يقوم الفجر
تضحك..
يتولد من ضحكها
نور النهار
ينشر..عمار
كانت تبات..
ويبات ف قلبي حلمها
وف قلبها
يااااااقلبها
سكّر..نبات
اما انا حستها هى بنت الجيران اللى كل العيون عليها لما تنزل الحارة
مجرد الاحساس بالشىء دليل على انه جميل
رائعة فكرتنى بكلام صلاح جاهين