ادهم في المطبخ

????

????: زائر

مساهمة رقم 1

ادهم في المطبخ

من طرف ???? الإثنين مايو 17, 2010 3:38 pm

انهارده يا جماعة اتسحبت للمطبخ من ورا مراتي وقولت هو يعني الطبيخ ده مشكلة

انا لازم اثبت للستات ان الرجالة لما يدخلوا المطبخ يبقي هم لازم يشوفلهم شغلانه تانيه

لأننا هنوريهم ازاي يكون الطبيخ واننا تفوقنا عليهم في عمل اشهي الأكلات وألذ ها

المهم لما دخلت المطبخ فكرت اطبخ ايه ويكون بسرعه قبل ام محمد ما تصحي من النوم

فكرت اني اعمل جبنه بالطماطم ... قولت لا دي حاجة سهلة ممكن روميساء بنت عم طنطاوي البواب تعملها

دورت في المطبخ لقيت مكرونه وكمان لقيت تونه

قولت اعملكم مكرونه بالتونه.. اه مكرونه بالتونه... مستغربين ليه كده

فيه ايه يا زهرة الليلك... اول مرة تعرفي ان فيه حاجة اسمها مكرونه بالتونه؟

بلاش نظرات الأرف دي يا جوليت... لما تشوفي الأكلة ابقي قولي رايك

حتي انت يا املي انت ... انا قولت هتنصفيني

امال لو ما كنتيش مجربه الأكلة دي.... عموما ندخل في المفيد

الأول طبعا لازم نكتب المقادير.. وهي حاجات بسيطة قوي عبارة عن

1- 498.5 جرام مكرونه .. واحدة هتقولي ازاي احدد 498.5 جرام مكرونه؟ هقولها عادي جدا

اوزني 498.5 جرام علي الميزان اللي محطوط علي الرخامة جنب الخلاط..

زهرة هتقولي بس انا مش بشيل الخلاط علي الرخامة.. طبعا هفهم من كده انها معندهاش ميزان وهقولها ولا يهمك

خدي كيس مكرونه وروحي السوبر ماركت عند عبد الهادي علشان توزني 498.5 جرام مكرونه.. وهو طيب مش هيقول حاجة

بس لو لقيتي عبد الهادي مش هناك وان الواد ناصر هو اللي واقف في السوبر ماركت اعملي نفسك راحة تشتري مصاصة لمحمد أدهم

وما تعرفهوش انك راحة توزني المكرونه.

اصل الواد ناصر ده رخم اصلا... وكمان ما تخلهوش يشوف كيس المكرونه اصل يفكر انك سرقاه من عنده

2- علبتين تونه مفتته... وفيه نوع سهل الفتح اسمه تي سي بوي.. هو مش صعيدي... هو اسمه كده بس ... اه لتفتكروا انه صعيدي علشان بوي يعني.

3- 3 بصلات متوسطة الحجم... ودي ممكن تعرفيها بضرب راسك بالبصلة لو راسك وجعتك يبقي قللي الحجم شويه

4- زيت ذره

5- فلفل أخضر مقطع قطع صغير وكأنك هتحطيه علي السلطة.

6- زيتون اسود مقطع قطع صغيرة برده

7- صلصة حوالي .. حوالي... مش مهم قدريها بمعرفتك

8- معلقة خل صغيرة

الطريقة بقي.... صلوا علي النبي

هنقشر البصل ونفرمه بالكبه اللي كانت جنب الميزان

لكن مني لأن ما فيش عندها كبه يبقي تقطعه بالسكينه وتحافظ علي ايديها بقي

هنسلق المكرونه لحد ما تستوي وانا عارف انها هتعجن منك يا جولييت

عموما ولا يهمك.. لو عجنت منك ممكن تنشفيها في الشمس وبعدين توديها الكسارة تتكسر

هتكلفك تكسير حوالي 12 جنيه... وبعدين تاخديها البيت وتبيلها في ميه

وترميها بقي في الزباله.

بعد كده هنحمر البصل في الزيت... فاكرين زيت الذرة اللي كتبناه في المقادير ...ايوه هو ده

برافوا عليكم ... شكلكم مركزين.

بعد ما نحمر البصل نضيف الفلفل والزيتون ونضيف الصلصة والتونه واحنا بنقلب

عارف يا املي انت انك نسيتي تجيبي الصلصة.. مش مهم ابعتي عادل عند ام هبه جارتكم يستلف منها برطمان الصلصة

لحد ما ما تشتري.. عارف ان الوقت اتأخر والمحلات قفلت.

نضيف الملح والفلفل الاسود وقليل من الخل علي التونه اثناء التقليب الي ان تندمج المكونات مع بعض.

عارف ان انا ما ذكرتش الفلفل الاسود في المقادير... لازم تحرجيني يعني يا زهرة ...

عموما بنوته عندها شويه في علبة التوابل اللي شرياها من هايبر ماركت هتبقي تسلفكم.

بعد كده هنصفي المكرونه اللي جولييت عجنتها ونحطها في طبق ونحط فوقها سلطة التونه

اللي عملناها وناكل بقي بألف هنا وشفا ويارب تعجبكم

علي فكرة: الأكلة دي تكفي 4 اشخاص من الجنس اللطيف

وتنفع سناك للجنس الخشن ... يعني ياكل منها خمس اطباق بين الفطار والغدا.

ارجوا ان الأكله تعجبكم ومنتظر تجربوا وتقولولي كان مصيرها ايه

وعلي فكرة انا اتقفشت وانا بعملها ودفعت ثمن الحاجات اللي بوظتها

MAHMOUD-62

MAHMOUD-62: 1; زقم العضويه : 2
عدد المساهمات : 1699
نقاظ : 7821
السٌّمعَة : 10
تاريخ التسجيل : 29/12/2009
الموقع : Ù…ØµØ±

مساهمة رقم 2

شلة اصحاب على النت

شلة اصحاب على النت

شلة اصحاب على النت

ادهم في المطبخ