2 مشترك
شرح تغير التوقيع والصورة الشخصيه في المنتدي بالصور
الشروق- مشرف عام عالم حواء
- زقم العضويه : 120
عدد المساهمات : 3932
نقاظ : 11470
السٌّمعَة : 143
تاريخ التسجيل : 11/04/2010
العمر : 47
- مساهمة رقم 1
شرح تغير التوقيع والصورة الشخصيه في المنتدي بالصور
احبائي أعضاء المنتدي
السلام عليكم ورحمة الله وبركاته
انهارده حبيت اشرحلكم اسلوب تغيير التوقيع والصورة الشخصية في المنتدي
وحبيت ان يكون الشرح بالصور لسهولة وصول المعلومة
بسم الله نبدأ
الوقت لو عاوز تغير توقيعك تعمل ايه...
ها.. ها... تعمل ايه؟.... ايه مفيش حد هيجاوب
اه .. صح .. دا انا اللي المفروض اقول
اقوللكم تعملوا ايه...
اولا تفتحوا المنتدي بعد ما تدخل اسمك وكلمة المرور
ولما تفتح المنتدي هتلاقي فوق شويه مفاتيح لونهم احمر
وعلي فكرة اللون ده اختيار محمود... مع اني كان نفسي يكون أزرق
لكن يلا مش مشكلة
المهم هتلاقي في المفاتيح دي مفتاح مكتوب عليه البيانات الشخصية
اه والله.. البيانات الشخصية... لأنها شخصية فعلا
ومفيش حد يقدر يشوفها غيرك انت وكمان الإدارة
هتفتح البيانات الشخصية بالضغط علي مفتاح بيانات شخصية كما بالصورة
بعد ما تفتح الصفحة هتلاقي شكلها كده
اكيد طبعا فيه منا كتير شافوا الصفحة دي
لو عاوز تغير التوقيع بقي هتضغط علي كلمة التوقيع زي الصورة ما بتقول
واول ما تضغط علي طول هتلاقي الصفحة دي فتحت
وطبعا زي الصورة ما بتقول
هتضغط علي كلمة صورة علشان تحط صورة كتوقيع ليك
بقي المطلوب انك تجيب كود الصورة اللي عاوز تعملها توقيع وتحطة في المستطيل الأبيض زي الصوري دي بالضبط
كود.... انت بتقول كود؟
استني استني؟
طيب انا هجيب الكود ده منين بقي ان شاء الله
هقول لكم استنوا بس عليه
هو انا لسه خلصت
اقولكم هتجيبو الكود ازاي
لو الصورة علي النت هتفتحوا الصورة وتجيبوا الكود وتحطوه في المستطيل الأبيض
طيب املي بتسأل ... لو عندي صورة علي جهازي وعاوزة اعملها توقيع؟
هقولها لازم ترفعيها علي النت الأول
الشروق هتقولي ارفعها ازاي؟
هقولها عادي جدا
اولا هتفتحي الموقع ده
[url=http://www.0zz0.com/]http://www.0zz0.com/[/url]
هو اسمه العملاق لتحميل الصور
انا عن نفسي برتاحله
مش لكونه عملاق... لكن لأن ده اول موقع استخدمته علشان كده فيه بينا ود شويتين
المهم بعد ما فتحنا الموقع ده نعمل ايه بقي؟
حاضر يا زهرة... هقول حالا
اول ما تفتحي الموقع هتلاقي شكله كده
هتعملي زي الصورة واول ما تضغطي
Browse
هيفتحلك الجهاز بتاعك زي كده
هختار الصورة من الجهاز وبعدين اضغط
Open
زي الموضح في الصورة
وبعد كده ادوس رفع الصورة
وانتظر لحد ما الصورة تحمل
وبعد ما تحمل بقي هلاقي الصفحة بقت كده
شايفين بقي الكلام اللي انا مشاور عليه بالأحمر ده
هو ده بقي الكود يا جماعة
هننسخه ونروح بقي في المستطيل اللي في التوقيع
فاكرينه.. ايوه اللي جبناه من البيانات الشخصية في اول الشرح
ونحط الكود ده ونعمل معاينه
ولو تمام ندوس سجل وعلي بركة الله
ومبروك عليك التوقيع الجديد
لسه بقي ازاي اغير الصورة الشخصية
نخليها بعدين بقي
واوعدكم اني هحط شرحها هنا
هي بسيطة جدا علي فكرة
يارب يكون الموضوع بسيط ولو فيه اي استفسار
يسعدني تقبل اسألتكم علي الرقم المجاني
2911977
مع تحياتي لأحلي شلة
magdyomara- مشرف الاقسام العامه
- زقم العضويه : 128
عدد المساهمات : 3479
نقاظ : 9958
السٌّمعَة : 108
تاريخ التسجيل : 28/04/2010
العمر : 66
السلام عليكم ورحمة الله وبركاته
الاخت نوارة المنتدي شروق
جميل جدا ومعلومات مفيدة بارك الله فيك
وياريت تكون هدية منك تعملي لكل عضو توقيع زبارك الله فيك
الاخت نوارة المنتدي شروق
جميل جدا ومعلومات مفيدة بارك الله فيك
وياريت تكون هدية منك تعملي لكل عضو توقيع زبارك الله فيك