2 مشترك

قول يـــا قلــم لكل الــــناس

غريب: مشرف القسم الرياضى; زقم العضويه : 103
عدد المساهمات : 2297
نقاظ : 10847
السٌّمعَة : 11
تاريخ التسجيل : 28/03/2010
العمر : 36
الموقع : الاسماعلية

مساهمة رقم 1

قول يـــا قلــم لكل الــــناس

من طرف غريب الجمعة أبريل 29, 2011 9:15 am

قول يا قلم

قول يـــا قلــم لكل الــــناس

قول يــا قلـــم بكل احساس

وأكتب يــا قلــم فى الكراس

الخســيس برضه مــــــداس

...... ...... ...... .........

قول يــا قلــم سنه مقصوف

قول يــا قلـــم لــــيه الخوف

لــيه الــحق كده مكســـوف

دااللى يعيش يـــاما يشوف

..... ...... ...... ........

قول يـــا قلـــم ولا تخـــــاف

ولـــو راح تـــاكلها حـــــــاف

وأد رجــــلك مـــد اللحــــاف

وما تقول للخسيس عــواف

..... ...... ..... ......

قول يلا وأروى العطاشـــــا

لا تخاف من بيه ولا باشــــا

دى مــلحة الفقير بغاشــــا

مــا يسجد لغيرالله حاشـــا

.... ..... ...... .......

قول يــا قلمى يـــاسلاحى

أحكى عن حزنى وأفراحى

قول ياقلمى داوى جراحى

بايه يــفيد بكايا ونـــــواحى

..... ...... ...... ......

قول يــا قلمى بعلو صـــوتك

يا قلمى بايه ح يفيد سكوتك

لوقالوا ايه تقول يعنى مـوتك

دى الكلمه ياقلمى هى قوتك

..... ...... ..... .......

أكتب يــاقلمى ولـــو شخابيط

لـــو تخاف كلمه تبقى عـــبيط

أكتب عن حــال بقى بزرمـــيط

حابل على نابل والفرق بسيط

..... ..... ....... .........

أصرخ يــــا قلــم ولــم الأمـــــه

أصــــرخ محتــــاجين للضــــمه

قول يـــا قلـــم بعــزم وهــــمه

مـــدوا الأيــدين نــبقى لـــــمه

...... ....... ...... ........

أكتب يــا قلـــم حــروف الكتابه

لــو راح تسكت حــتبقى غــابه

وكــلاب السكك حـيبقوا ديــابه

والخسيس يعلى والزفه كدابه

زهرة الليلك

زهرة الليلك: مديــــــر المنتـــــدي; زقم العضويه : 7
عدد المساهمات : 4378
نقاظ : 12267
السٌّمعَة : 45
تاريخ التسجيل : 02/01/2010
العمر : 39
الموقع : سوريا /// العاصمة /////دمشق/////