مصر زهقت بقي
????- زائر
من طرف ???? الخميس فبراير 18, 2010 11:07 amمعقول نرجع أحسن من الأول ممكن يحصل ممكن نرجع تانى نحب بعض ممكن نرجع تانى نشوف الخير خير والشر شر ممكن نرجع نقول على الحرامى حرامى والشريف شريف ممكن نرجع نقول أن السرقة مش فهلوة وإن الشرف مش خيبة ممكن نرجع نقول ان الرشوة مش هديه وتفتيح مخ ممكن نرجع نقول لبعض كل سنة وأنت طيب فى المناسبات بس مش طول السنة علشان ناخد بيها حق الشاى ممكن نرجع نبتسم فى وشوش بعض لوجه الله ممكن نرجع نحب الخير لبعض ونستر عورات بعض ممكن نرجع أحسن من الأول هو صعب ؟ معرفش ليه حسيت أننا بعيد أوى عن الأول معرفش ليه وصلنا لكدة ... معرفش ليه حاسس ان أحنا مش أحنا معرفش نقول الفقر نقول الحاجة نقول مفيش أدارة ومفيش قدوة نقول غياب الهدف .. يمكن على مر التاريخ وأحنا بنمر بمحن لكن دايما كان فى شئ ثابت وهو معدن الأنسان هو ده المفيش حد قدر يغيروا هو ده الكان بيخلينا نتغلب على الصعاب أحترام الناس لبعض العشرة والجيران والنخوة وأولاد البلد هم دول المحدش قدر يلعب فيهم على مر العصور.. لكن للأسف معرفش ليه مقدرناش نصمد معرفش مين السبب بس أنا متأكد ان السبب هو غياب الهدف صعب أوى انك تعيش بدون هدف يعنى أيه وطن بدون حلم يعنى أية شعب ملوش طموح حتى عندما تسأل أى شخص ايه حلمك تجد ان احلامة ما هى الا أحلام شخصية صحة ستر أولاد وهكذا هدف مشترك حلم عام مفيش كل واحد بيفكر فى أحلامه هو وبس لغاية لما كل واحد عزل نفسه عن من حوله كل واحد فى وادى هو ده السبب الرئيسى فى الحاله البينعشها خوف الناس من بعض يارب أبعتلنا حلم نعيش علية أبعتلنا حد يحطلنا هدف نمشى وراه يارب جمعنا تانى على حب مصر.. عارفين مصر ممكن تعمل اية ممكن تمشى تهج هى مش متعوده على كده مبتحبش كده مصر قوتها فى شعبها فى الناس مصر مش بس هرم ونيل مصر بشر لحم ودم روح قلب بـيـنـبـض وهو ده المهم أهم من أى شئ تانى هو ده الخلاها تعيش خلاها تتحمل على مر العصور لو ده راح مصر هتروح منينا مش معقول كلنا هنفضل نتفرج عليها كدة حد ينادى ولو من بعيد حد يظهر بقى خلاص مصر زهقت بقى .. على رأى الباش مهندس على سلامه خايف أصحى ملقيش مصر لمت هدومها على هرمها ونيلها ومشيت طفشت هربت ما بينى وبينك أحنا زودناها بقى هى ديه البت الحلوة بقى هى ديه سماره
تحياتي
المخلص- صديق درجة اولى
- زقم العضويه : 62
عدد المساهمات : 263
نقاظ : 5708
السٌّمعَة : 12
تاريخ التسجيل : 12/02/2010
مصر ام الدنيا بالسابق
لكن في الوقت الحالى مصر فقدت الزعامه العربيه و الاسلاميه للاسف
لكن في الوقت الحالى مصر فقدت الزعامه العربيه و الاسلاميه للاسف