3 مشترك
متعمليش ناصحه وتقولى انا واثقه من نفسي والله انتى مش فاهمه حاجة
????- زائر
السلام عليكم ورحمة الله وبركاته
اخوانى واخواتى فى الله ارجو قراءة الموضوع للاخر
فوجئت بإحد الشباب فيه الكثير من الوسامة تبدو عليه الأناقة المفرطة يعطي رقم هاتفه إلى فتاة بدون أي إعتبار لأحد من الموجودين قائلا لها بصوت عالي على الساعه التاسعة ونص فاتجهت نحو طاولته وسألته ممكن أقعد معاك لو سمحت ؟
فقال .. يا أخي إسمع لو عايز تعطي نصايح فالجواب ... لا
وإذا عايز تدردش وتتعرف اهلا بيك
ضحكت من إجابته التي تدل على الملل الشديد ولكن قلت مفيش نصايح ولكن مجرد كلام ومعرفه ومنكم نستفيد
فقال إتفضل
قلت هو فقط سؤال بسيط ليه يعني كتابة ارقام وشغل و حركات فين الإنترنت والبلوتوث يعني انت مش ماشي على الموضه...!؟؟
فقال يا عزيزي كلنا ثعالب... و كل ثعلب له طريقه وله هدف
فقلت أنا لي هدف ولكني لست ثعلب فأنا أصل لهدفي مباشرة فقال لابد أن تقوم بإي حركه أو مناورة حتى تصل لهدفك
فقلت طيب يا ثعلب ما تخافشي إن هذه البنت المسكينه تكتشف إنك ثعلب وساعتها تديلك على دماغك
فقال مش مهم الاقي غيرها الفاضيات كتير.. وغير كده.. مستحيل تكشفني
" لاحظوا الغرور فيه
فقلت وليه يا أخي مستحيل تكشفك إذا دخلت قصة حب بتقولك تعال أخطبني قولي ايه ردك وقتهاا ؟
فضحك ضحكة عاليه وقال باين عليك غشيم طبعا لازم قصة حب هل تتوقع أقول ألو... لو سمحتي ممكن أتسلى بشرفك شويه رفع ضغطي ولكن مسكت أعصابي
وقلت ما ردتش علي وايه عذرك لو قالت تعال أخطبني
ضحك مرة أخرى وقال .. أول عذر وأشهرهم عذر( أكمل ) فقلت تكمل إيه فقال أكمل أي حاجه ... أكمل المدرسة ..أكمل الجامعه ..أكمل المعهد ..لسه ما توظفتش ..أكمل الشقه المهر المهم أكمل أي شي ناقص
فقلت إفرض يا ذكي قالت تعال أخطبني وكمل على مهلك هتتصرف ازاي ..
قول فقال مش قلت لك إنك غشيم (..أهلي...أهلي)
فقلت سلامة أهلك
فقال لا .. أهلي مش موافقين قبل ما أكمل فقلت والله عذر معقول ..
لكن إفرض قالت لك أهلك وليه أهلك إنت طفل انت يا اما راجل او مش راجل تعال أخطبني لو راجل..
قوللي لو إنت حريف هتهرب ازاي من هذه فقال أولا.. مفيش بنت تقول كده ولو قالت بسيطه أقولها .. السكر
فقلت ماله السكر فقال لي: أقول .. أمي عندها السكر ما أقدرشي أزعلها أو أبويا عنده القلب والكلام الفاضي كثير.. يا عمي إنت ما بتشوفش تمثليات
فقلت لا والله مش متابع لكن في أعذار غير عذر أكمل
فقال ياعم الأعذاركثير بس أنا اْديلك أشهرها خذ مثلا .. إذا إنت ولد مدلع تقول لازم نتعرف على بعض أكثر مش معقول نتزوج على طول لازم نحب بعض
فقلت الله يخرب بيتك هذا معناه كلام بالتلفون ومقابلات و.. و .. و
فقلت لاحول ولا قوة إلا بالله
ثم سألته طيب يا أخي ليه تتنقل من واحده لواحده وليه بنت واحده ما تكفي ؟
فقال يا أخي خلاص ما يبقاش لها طعم والجديد دائما له طعمه طيب عمرك شفت وحده تشتري فستان ولو غالي وما تلبسشي غيره يا أخي اذا زي المدرسه إلي هو الزي الرسمي بتاع البنات تلاقي عندها واحد ثاني شوف بقي بنت جديده وكلام جديد ومواعيد جديده
فقلت طيب فين الحب الأول والكلام الكبير إلي يقولوا عليه
فقال وقد غير من جلسته: شوف ... اول فتاه لها سحر خاص وأول مكالمه وأول جواب لكن أعطيك مثال شفت الصياد إللي يصيد سمك تلاقى أول سمكه صادها فرحان بيها وتلقاه حاططها قدامه طوال الرحله لكن أول ما يوصل هو بنفسه يحطها في النار وهو أول واحد يأكل منها والبنات زي كده الشباب يدوروا علي الحب ومع أول بنت أو شاب يقولوا هو هذا الحب لحد ما العلاقة تبرد ويدوروا علي حب ثاني وثالث ..
وهكذا فقلت يعني إنت تعترف إن مفيش حب بين الشاب والفتاه
فقال أيوا .. حتى في القرآن الله عز وجل يقول (( وجعلنا بينهم مودة ورحمه )) شايف مودة ورحمه مش حب ومقابلات
فقلت كلام منطقي ومعقول لكن ليه كل الشباب بدون إستثناء يحبوا يتكلموا عن البنات إلي يعرفوهم قدام بعض .. يعني يفضحوا نفسهم ويفضحوا معاهم البنات فقال دي مش فضايح .. يعني إنت لو إشتريت سياره جديده توريها لإصحابك وإلي يبني عماره يوريها لإصحابه وإلي يفوز بمسابقه يعلق الميداليه فرحان بيها وإلي في سننا مالوش غير البنات يعني ولد صياد بنات لسانه حلو ووسيم ويوقع الطير زي ما يقولوا
فقلت لكن الواحد يفتخر بشي يملكه كيف تفتخر بإنسانه ما تملكها
فقال لا يا حبيبي أنا أملكها ونص .. يعني أمها وأبوها يقولوا لها لا تكلمي أحد وتكلمني ويقولوا لا تخرجي مع أحد وتخرج معاي وأقدر أكلمها أي وقت وأشوفها أي وقت يبقى أملكها ونص يا أخي إذا كان ربنا يقولها لاتختلي بغريب وبتقابلني يعني عصت ربها عشاني ازاي تقول ما أملكها ؟
رفع ضغطي اوي لكن كلامه صح
ف قلت طيب إذا كنت بتقابلها أي وقت وتشوفها أي وقت ليه تطلبوا صور وبعضكم يسجل عليهم وبعضكم يصور فيديو والعياذ بالله
فقال هذه يا حبيبي ضمان وإثبات محبه يعني لو كانت تحبك بتعطيك صوره وإذا تحبك أكثر انا اللي اصورها زي ما انا عايز والمبتدئين يسجلوا بالتلفون المهم الإقناع
فقلت أي إقناع هذه أعراض وشرف وفضايح ازاي تقنعها
فتبسم إبتسامة الثعلب وقال بإسلوب مسرحي رائع لدرجة أنني كدت أن أصدقه ..
دي أخرتها إنتي مش واثقه فيا ولا في حبي دي آخر مكالمه بيني وبينك صدقيني صورك أخذها علشان أحطها قدام عيني أنام وأملي عيني منها وعمري ما ابص لواحده ثانيه ولا خلينا نتصور سوى ... يا غبيه مش احنا هنتجوز هنتجوز ؟؟ وكلام كثير...
ألف طريقه وطريقه المهم تعرف ازاي تضرب على الجرح زي ما يقولوا فقلت طيب إفرض مثلا مااديتلكشي لا صور ولا يحزنون بتسيبها ؟
فقال طبعا لا .. أنا صياد والصياد صبور وما يمل فقلت هنا المشكلة طيب والفضايح إللي بتحصل البنات يعني ما بيفكروش في الفضايح
فقال عارف ايه المشكله.... إن كل واحده بتقول أنا واثقه من نفسي وحريصه أو انتوا مش فاهمين والله فلان يختلف عن غيره أو أصابع يدك مش زي بعض أو أحمد إبن ناس مستحيل يعمل كده أو ماجد يحبني موت اصلا أنا لو غبت عنه يتجنن ..
وكل واحده مستحيل تتخيل نفسها بطلة فضيحه مستقبلا وشوف بنفسك الإنترنت مليان فضايح وكلها بدت بقصة حب
فقلت طيب بعد الفضيحه ايه ذنب المسكينه إلي سلمتك قلبها
فقال أولا أنا بالذات مش اللي بدعت الحكايه دي هذا حال الدنيا وماحدش ضربها على ايدها
وقال لها اتكلمي بالتيلفون ولا كانت صبرتلحد ما يجيلها نصيبها
سألته قائلا بصراحه لو فيه بنت تورطت بمكالمات وصور ازاي ممكن تخرج من دوامة التهديد
كم فتاة ممكن ان تترك المكالمات وكم فتاة تبقى من نصيب الثعالب
"ثم تذكرت قوله تعالى " من يشأ الله يضلله ومن يشأ يجعله على صراط مستقيم
بنــــات
فكري لمجرد دقيقه بأبوك ده اللي يمشي قدامك والا بأمك اللي تدعيلك وتحبك ولا بأخوك اللي مهما اخطأ هيفضل سندك بالحياة ولا باختك البريئه اللي بتنظلم عشانك ازاي تهينينهم يعني ترضين تحسسينهم بالذل ويمشون طول عمرهم راسهم بالارض
طيب فكري بنفسك وبحالتك مهما حسيتي انك واثقه بشخص او انك تحبينه باب بيتكم يوسع جمل ليه ما يخبطش فأن قلتيله وطول الموضوع اعرفي انه كذاب
(( ومن ترك شيئاً لله عوضه الله خيراً منه ))
خليكي ذكيه وتذكري ابوك وامك ساعتها وازاي بتكسريهم وتهينيهم قدام العالم لمجرد غلطه !!
وان كنتي عاقلة بتفكري بربك قبل الكل
....
عايز ردودكم واراءكم فى الكلام دا سواء صح ولا حد ليه راى تانى
منقول
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6609
السٌّمعَة : 0
تاريخ التسجيل : 28/01/2010
قلب جديد
بتقصد الحب عموما بين اى شاب وفتاه؟
فى اى مكان؟
والا اصدك عالنت؟
بتقصد الحب عموما بين اى شاب وفتاه؟
فى اى مكان؟
والا اصدك عالنت؟
????- زائر
من سياق الحديث واسلوب عرضه يتضح طبيعة الشبان الذين يجد ان تكون البنت حذرة في التعامل معهم
ايا كان طبيعة ومكان المعرفة
أشكرك علي مرورك
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6609
السٌّمعَة : 0
تاريخ التسجيل : 28/01/2010
اولا اشكرك لمتابعتك موضوعك
شوف ياقلب جديد
هو الحذر مطلوب فى كل تعاملاتنا
وخصوصا فى التعاملات الماليه
وحتى فى العلاقات الشخصيه
بس مش معنى كده ان اى كلمه حب بتبقى كدب
ومش كل المشاعر بتبقى مزيفه
فيه حاجات كتير بتحدد ده
السن
المكان
نوع الكلام
التربيه
حاجات كتير
مش كل كلمه حب بتبقى كدب
ولا برضه بتكون صدق
من غير مالبنت تعمل ناصحة ولا حاجة
ربنا اداها عقل
وعليها تستخدمه
انت بكلامك ده بتقول ان كل الاولاد والشباب والرجاله كدابين
وذئاب مفترسه
شوف ياقلب جديد
هو الحذر مطلوب فى كل تعاملاتنا
وخصوصا فى التعاملات الماليه
وحتى فى العلاقات الشخصيه
بس مش معنى كده ان اى كلمه حب بتبقى كدب
ومش كل المشاعر بتبقى مزيفه
فيه حاجات كتير بتحدد ده
السن
المكان
نوع الكلام
التربيه
حاجات كتير
مش كل كلمه حب بتبقى كدب
ولا برضه بتكون صدق
من غير مالبنت تعمل ناصحة ولا حاجة
ربنا اداها عقل
وعليها تستخدمه
انت بكلامك ده بتقول ان كل الاولاد والشباب والرجاله كدابين
وذئاب مفترسه
????- زائر
]
عارف ليه ياقلب جديد ربنا عزوجل ذكر الزانيه قبل الزانى فى سورة النور لان الفتاه هى التى تعطى الشاب الضوء الاخضر وتفتنه اما بالملابس غير الشرعيه اوحركاتها او نظراتهاالغير اخلاقيه والمثيره فالفتاه هى البادئه بالفتنه والاثاره لذلك حملها الله عزوجل المسئوليه
اولم يحذر الرسول الكريم من فتنة النساء اوليس هذا زمن الفتن الذى اولى بنا فيه بالتمسك بالحجاب والنقابفيكفينى فخرا انا له امه وانه لى رب
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6609
السٌّمعَة : 0
تاريخ التسجيل : 28/01/2010
قلب جديد بيقول ان الرجل ذئب
وحبيبه الروح بتقول ان البنت هى اللى غاويه للرجل
مفيش ثوابت للسلوكيات البشريه
الموضوع مش قوالب بنصب فيها الافعال وردود الافعال
لو فيه اى علاقه انسانيه سواء بقى حب والا صداقه والا جيرة والا ايا كانت العلاقه
العلاقه دى بتكون صح او غلط بناء على اسس كتير
ماينفعش نحصر اى خطا فى جانب واحد او كل الرجاله بس او كل البنات وبس
بصوا ياجماعه
الصح صح
والاصول اصول
طالما اى علاقه فى حدود الصح والاصول تبقى فين المشكله
المشكله فى اللى بيتعدى الاصول
سواء راجل
او
بنت
وحبيبه الروح بتقول ان البنت هى اللى غاويه للرجل
مفيش ثوابت للسلوكيات البشريه
الموضوع مش قوالب بنصب فيها الافعال وردود الافعال
لو فيه اى علاقه انسانيه سواء بقى حب والا صداقه والا جيرة والا ايا كانت العلاقه
العلاقه دى بتكون صح او غلط بناء على اسس كتير
ماينفعش نحصر اى خطا فى جانب واحد او كل الرجاله بس او كل البنات وبس
بصوا ياجماعه
الصح صح
والاصول اصول
طالما اى علاقه فى حدود الصح والاصول تبقى فين المشكله
المشكله فى اللى بيتعدى الاصول
سواء راجل
او
بنت
????- زائر
الأخت قطرات الندي
عندما قدمت هذه النصيحة فكانت للبنات اللاتي يتركن أنفسهن للشباب من هذه النوعيه
ولم اقصد بها الحكم علي العلاقة بين الرجل والمرأة
ولو أردتي رأيي بين الرجل والمرأة في مجتمعنا العربي فهي بالطبع ستكون من منظور اسلامي والذي وضحه لنا الدين
احنا عندنا فى السيره النبويه الشريفه و سيره الصحابه مليون قصه ومليون حدث يقول ان كان فى معايشه بين الجنسين عادي لكن بشروط طبعا وقوانين
واي أحد ينكر هذا اعتقد انه فى حاجه الى قراءه متأنيه للسيره النبويه وسيرة الصحابه .
المهم ندخل على النقطه الاساسيه وهى هل ممكن وجود علاقه
بس اسمها ايه ؟؟؟ وشكلها ايه ؟؟
اسمها مش عارفه... سميها زي ماتسميها
سميها صداقه
سميها اخوه فى الله
سميها حب فى الله
وما حدش يقولي مافيش حاجه اسمها حب فى الله بين رجل وامرأه اجنبيان عشان ده كلام مش مقنع خالص مش اي حب هو عشان نفكر كده .
اما شكل العلاقه
فاحنا والله لو كنا دايما نلتزم بكتاب الله وسنة نبيه والله ما كنا نتعب
الاختلاط بين الرجل والمرأه الاجنبيين والعلاقه بينهم عموما مقننه عندنا
والقونين واضحه وصريحه لو مشينا عليها ما تحصلش اي مشكله
اولا : اللباس الشرعي : طبعا للطرفين(المراه والرجل ) وطبعا احنا مش بصدد مناقشة ما هو اللباس الشرعي كل واحد يلبس الحاجه الى مقتنع انه الشرع والفرض عليه وبعدين نتكلم فى الموضوع ده .
ثانيا : غض البصر : وبرضه من الطرفين سواء كان الطرف التاني
.لابس شرعي ولا لا انت عليك الغض
قال الله تعالى قل للمؤمنين يغضوا من أبصارهم ويحفظوا فروجهم
ذلك أزكى لهم
وقال تعالى
وقل للمؤمنات يغضضن من أبصارهن ويحفظن فروجهن
ثالثا :الحرص من الخلوه : والحرص هنا بمعنى تجنبه ولو حصل يبقى فى اضيق الحدود وينهى الموقف باسر ع وقت
لانه وضع وارد طبعا
فقال رسول الله صلى الله عليه وسلم :لا يخلون أحدكم بامرأة فإن الشيطان ثالثهما
( برواية عبد الله بن عمر مسند احمد )
رابعا :عدم اظهار اللين فى القول من المرأه :
بسم الله الرحمن الرحيــــــــــــم
(( يا نساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا سورة الأحزاب آية 32
اظن دي القوانين المطلوبه
واعتقد انه لا يعقل ان يكون الاختلاط له قوانين وفى نفس الوقت الاختلاط محرم فكين يقنن الحرام ؟؟؟
وبعد كده يأتي دور الرادع والرقيب الشخصي والايماني فمن يجد فى نفسه مجال للفتنه من علاقه او مكان فليبتعد عنها درءا للفتنه
فلكل فتنة تختلف عن غيره بشكل نسبي يعنى ودي نقطه مهم اوي على فكره
خلاصة القول
اي علاقه بين رجل وامرأه تلتزم بالشروط دي تعتبر علاقه مشروعه. (من وجهة نظري المتواضعه )
وعموما يجب ان يكون الحديث بين الطرفين له سماته وشكله المحترم
وده طبعا شيء نسبي وشخصي الى حد ما
طيب لو حبينا نوصف كلامك مع المرأه مثلا كمسلم عايز تحافظ على دينك ؟؟
ايه رايك نقول ان يكون الحديث بينكم حديث يرضاه مولانا ووليها
وانتى كمان كامرأه حطي قاعده اتكلمى مع الرجال كأن وليك حاضر الحديث ده
وارضى ما يرضاه وليك وارفضي ما يرفضه
الولي هنا طبعا ممكن يكون جوزها ابوها اخوها حسب ظروفها .
jooliyt- مشرف عام الاقسام الرومانسيه
- زقم العضويه : 4
عدد المساهمات : 1999
نقاظ : 8395
السٌّمعَة : 12
تاريخ التسجيل : 01/01/2010
العمر : 41
بجد أنا احترت يعنى نحب ولا منحبش نخاف و نبعد ولا نطمن و نقرب يعنى مش ممكن الحبيب يكون صادق فعلا
ولا مش عارف يرتبط بيها هل من حقه يتكلم معاها فى قطار الحب
و هل من حقها انها تتكلم معاه و تعبتره كل حاجة ليها بجد يهمنى رأيكوا
ولا مش عارف يرتبط بيها هل من حقه يتكلم معاها فى قطار الحب
و هل من حقها انها تتكلم معاه و تعبتره كل حاجة ليها بجد يهمنى رأيكوا
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6609
السٌّمعَة : 0
تاريخ التسجيل : 28/01/2010
ردى المرة دى هيكون على قلب جديد
وعلى جولييت
بس بداية
اعتذر لقلب جديد عن غلطه غير مقصودة
انا والله ماكنتش اعرف انك بنت
لان كلمه قلب مذكر
اعتقدت انى باكلم ولد
وعرفت انك بنت من كلمه ((((((مش عارفه ))))))))))ز
اقدم اعتذارى عن هذا الخطأ الغير مقصود
تعليقى بقى على ردك الاخير
كلامك لايختلف كثيرا عن رايى
ده بالظبط اللى كنت عايزة اقوله
فيه علاقات ناجحة
وعلاقات محترمه
فى حدود الدين
والاخلاق
فى حدود المسموح
والمقبول
ماعنديش اى اعتراض او اضافه عن اللى كتبتيه
بس ليا تعليق صغير
وعلى جولييت
بس بداية
اعتذر لقلب جديد عن غلطه غير مقصودة
انا والله ماكنتش اعرف انك بنت
لان كلمه قلب مذكر
اعتقدت انى باكلم ولد
وعرفت انك بنت من كلمه ((((((مش عارفه ))))))))))ز
اقدم اعتذارى عن هذا الخطأ الغير مقصود
تعليقى بقى على ردك الاخير
كلامك لايختلف كثيرا عن رايى
ده بالظبط اللى كنت عايزة اقوله
فيه علاقات ناجحة
وعلاقات محترمه
فى حدود الدين
والاخلاق
فى حدود المسموح
والمقبول
ماعنديش اى اعتراض او اضافه عن اللى كتبتيه
بس ليا تعليق صغير
????- زائر
مفيش داعي تعتذري
الموضوع ما يستهلش
عادي احنا اخوات
واحب اقولك ان "مش عارفه" الهاء هنا تعود علي " اسم العلاقة " وليس عليَ
أقصد مش عارف ايه الاسم
وانا راجل مش بنت
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6609
السٌّمعَة : 0
تاريخ التسجيل : 28/01/2010
بالنسبه للنصيحة عموما
النصيحة دايما بتبقى تقيله
ورسالتك انتى بتوجهيها للبنت اللى الدنيا واخداها
تفتكرى المقال ده ممكن يخلى اى بنت ترجع عن سلوك خاطئ بتعمله؟
انا مش عارفه ايه البديل
لكنى متاكده ان الحل مش بمقال زى كده
لكن دى دعوة ليا وليكى ولكل الاعضاء اننا نفكر فى شكل تانى للنصيحة يكون مقبول ومقنع
النصيحة دايما بتبقى تقيله
ورسالتك انتى بتوجهيها للبنت اللى الدنيا واخداها
تفتكرى المقال ده ممكن يخلى اى بنت ترجع عن سلوك خاطئ بتعمله؟
انا مش عارفه ايه البديل
لكنى متاكده ان الحل مش بمقال زى كده
لكن دى دعوة ليا وليكى ولكل الاعضاء اننا نفكر فى شكل تانى للنصيحة يكون مقبول ومقنع
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6609
السٌّمعَة : 0
تاريخ التسجيل : 28/01/2010
يالهوى
راجل؟
ده انا قاعدة اعك بقى
طب ارد على جولييت الاول
راجل؟
ده انا قاعدة اعك بقى
طب ارد على جولييت الاول
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6609
السٌّمعَة : 0
تاريخ التسجيل : 28/01/2010
الموضوع ياجولييت ببساطه
فيه قواعد
واصول
ومبادئ
لو اتبعناها
مش هنغلط
يعنى حبى
واتحبى
بس حطى لنفسك خطوط حمرا
ماتعديهاش
وحطى فى بالك طبيعه الرجل
وهى طبيعه مفترسه
فيه قاعدة قانونيه بتقول
المتهم برئ حتى تثبت ادانته
فى العلاقات الخاصه
الرجل متهم حتى تثبت براءته
يعنى مش كل كلمتين حلويين ورسالتين عالموبايل بقى ده هو الحب
لكن لو عرفتى واحد
اهلك يعرفوه وبيشكرو فى اخلاقه وتربيته
او مثلا زميل فى العمل
معروف عنه الاخلاق
بيصلى
بيتقى الله
ايه المانع يكون فيه بينكم مشاعر
وزواج؟
فيه قواعد
واصول
ومبادئ
لو اتبعناها
مش هنغلط
يعنى حبى
واتحبى
بس حطى لنفسك خطوط حمرا
ماتعديهاش
وحطى فى بالك طبيعه الرجل
وهى طبيعه مفترسه
فيه قاعدة قانونيه بتقول
المتهم برئ حتى تثبت ادانته
فى العلاقات الخاصه
الرجل متهم حتى تثبت براءته
يعنى مش كل كلمتين حلويين ورسالتين عالموبايل بقى ده هو الحب
لكن لو عرفتى واحد
اهلك يعرفوه وبيشكرو فى اخلاقه وتربيته
او مثلا زميل فى العمل
معروف عنه الاخلاق
بيصلى
بيتقى الله
ايه المانع يكون فيه بينكم مشاعر
وزواج؟
mero- صديق مميز
- عدد المساهمات : 116
نقاظ : 5316
السٌّمعَة : 0
تاريخ التسجيل : 26/02/2010
يا جماعة انا اولا سعيدة اني سمعت المناقشة اللذيذة دي وسعيدة اكتر بمعرفتكم
ثانيا :-
انا شايفة ان العلاقة بين الولد والبنت بتختلف من مجتمع ومجتمع مش كدة بس احنا بنشوف في مجتمع واحد تقاليد مختلفة
يعني مثلا انا بشوف في النادي ولاد مع بنات بيبقو قاعدين مع بعض بس من طريقة التعامل تحسي انهم اخوات او ابن عمها بنت خالتو يعني من العيلة او اخوها وراجع من السفر يعني المهم انهم علي درجة كبيرة من المعرفة اللي تخليهم وخدين قوي كدة علي بعض
واول ما يشوفو ابوها او اخوها او حتي حد من الجيران تلاقي الطريقة اتغيرت الجو سادة الاحترام والادب دة لو البنت كان عندها شجاعه انها تعرفهم ببعض وتقول انة واحد زميلها ..
دة طبعا قليل لما بيحصل
وفي نفس الوقت انا مشتركة في النادي في الجماعة الفنية والثقافية وبنعمل ندوات ونطلع رحلات ولاد وبنات وبلاقي كتير الوجهيين لمعني الصداقة
ومتابعة الموضوع عن قرب شوية ومنتظرة اشوف النتيجة
واكيد لما يكون في جديد هعرفكم
MERO
ثانيا :-
انا شايفة ان العلاقة بين الولد والبنت بتختلف من مجتمع ومجتمع مش كدة بس احنا بنشوف في مجتمع واحد تقاليد مختلفة
يعني مثلا انا بشوف في النادي ولاد مع بنات بيبقو قاعدين مع بعض بس من طريقة التعامل تحسي انهم اخوات او ابن عمها بنت خالتو يعني من العيلة او اخوها وراجع من السفر يعني المهم انهم علي درجة كبيرة من المعرفة اللي تخليهم وخدين قوي كدة علي بعض
واول ما يشوفو ابوها او اخوها او حتي حد من الجيران تلاقي الطريقة اتغيرت الجو سادة الاحترام والادب دة لو البنت كان عندها شجاعه انها تعرفهم ببعض وتقول انة واحد زميلها ..
دة طبعا قليل لما بيحصل
وفي نفس الوقت انا مشتركة في النادي في الجماعة الفنية والثقافية وبنعمل ندوات ونطلع رحلات ولاد وبنات وبلاقي كتير الوجهيين لمعني الصداقة
ومتابعة الموضوع عن قرب شوية ومنتظرة اشوف النتيجة
واكيد لما يكون في جديد هعرفكم
MERO
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6609
السٌّمعَة : 0
تاريخ التسجيل : 28/01/2010
مييييييييييييييييييييييييييرو
اولا
اولا