صداقة اللد والبنت

ود ان استفيد من آرائم و تستفيدوا ايضا من وجهة نظري اذا كانت صحيحة



كي لا اطول عليك سأدخل مباشرة في صلب الموضوع و اتمنى التفاعل من جميع الاعضاء 'آراءكم نستفيدوا منها'



اقرأ مواضيع كثيرة و خصووووصا المواضيع الخليجية على ان الفتاة تصير قليلة ادب و ليست بنت ناس كما يقول االمثل و ووو



هل كل من تكلم شباب يدل على انها عديمة شرف و ليست متربية ؟؟؟؟؟



استغرب كثييييرا من هذه المواضيع اللي تقول ان الفتاة اذا كلمتك فإنها تكلم غبرك (صحيح)

و البعض يقولون انه لا يقبل ان يتزوج من فتاة كلمت شباب مباشرة او عبر الانترنيت او....


لكن سؤالي ما المشكل اذا كونت الفتاة صداقات مع شباب لكنننن اريدد ان اقول ليست كل من تكلم الشباب فإنها


اكيد تتكلم عن اشياء غير لائقة (لااااااا....)


و فكل صداقة اخوية بين فتاة و شاب قد تكون فقط صداقة سطحية هي تتكلم معه كأخ و تحترمه و هو كذلك


هذه وجهة نظري و اتمنى من الجميع ان يضيف رأيه كي يستفيد كل الاعضاء



تحياتي

mero[flash][/flash]

موضوع جميل ولذيذ بس الظاهر انة محدش عايز يقول رائي بس انا مش هكسف الجميل دة واقولة
اذا كانت الصداقة في حدود القيم والمباديئ والاخلاق
يبقي اوكي يا مان ... بيس
لكن بقي لو كان الموضوع سرت دوندون وكلام يطير مع الحمام
يبقي علي الدنيا السلانكتية

وعايز اقول

حد عايز قلب فاضي قلب طيب قلب عادي
قلب كلة حنين ورقة ...... \
اية محدش عايز
انتو حرين هنقفل بكرة عشان اجازة


سلام

ةثيخ

مش ملاحظة اني اسمي واسمك قريبين من بعض

يلا بااااااااااي
medo

هاى يا ميرو هاى يا ميدو آه فعلا اسمكوا متشابه بس بجد يا ميرو هو موضوع كويس و انتى أكيد حيرانة إن هل هذا سلوك صحيح أم غير صحيح ياريت متزعليش من رأيى انتى طلبتى إننا نتكلم و بصراحة و اختلاف الرأى لا يفسد للود قضية .



أولا :- موضوع إن البنت تتكلم مع الشباب فى الشارع أنا شايفة إنه ملوش داعى من الأساس ، يعنى هاتقوله ايه فى الشارع يستدعى إنها تعرض روحها للقيل و القال من أى حد ممكن يكون أقل منها أخلاقيا لكن فى الخفى و هاتبان إنها هى ال أخلاقها مش كويسة .

ثانيا :- حياء البنت و خجلها ده بيديها جمال ربناى بدون أى رتوج و حياء البنت بيضيع لما تمشى تكلم ده و تقول لده إزيك و تقول لده أهلا ها تبقى حكاية بقى لده و لده و صدقينى هاتفتح على روحها باب مش هاتعرف تقفله لو مليت هى من كده و هايطمع أى حد أى كان إنه يتكلم معاها و إجبارى لأنها لو مش عملت كده صدقينى هاتبقى العواقب وخيمة مع الشخص ده من الجايز إنه ينشر عنها إنها بنت مش كويسة و بتمشى معاه و كده و على ما أعتقد إنك فاهمة الباقى إل عايزة أوضحه .



ثالثا :- صدقينى مهما قال لك شاب ما تتحديث معه أو تصاحبينه أنك محترمة و مفيش منك اتنين و الحوارات دى إنه من وراكى بيقول كلام عنك شنيع و الله يا ميرو أنا قابلت الكلام ده عملى .



أنا هاقولك موقف حصل معايا بسيط كده و الموضوع ده من ساعتها مأثر فية جدا ( أنا كنت بعمل مدرسة فى إحدى البلدان و كنت باخدها مشى لحد موقف السيارات عشان أركب المواصلة ال هاتوصلنى للمدرسة بس كنت بوصل على الطابور بالضبط

و أنا ماشية كان ماشى أمامى اتنين شباب مقطقطين من هساهيس الأيام دى و فرافير جدا و شكلهم ابن ناس جدا فلفلت نظرى لبسهم و مشيتهم أعتقد إنها لو على بنت هاتكون أجمل بكتير المهم بصراحة أنا سمعى لقط منهم حديث كده بايخ جدا واحد بيقول للتانى ( إنت رايح تقابل البنت بتاعتك قاله آه أهو أتسلى

قاله تتسلى هو انت مش بتحبها قاله أحبها ايه دى زمانها ماشية مع شباب البلد سورى فى الألفاظ ال هاقولها اعذرونى دى بنت منحلة و مش محترمة و طبعا فيه كلام مش هاقدر أقوله و الله أنا مشيت وراهم و نسيت المدرسة خالص و كنت ناوية انى أشوف مين ال ماشى معاها عشان أقول لها إل سمعته بس معرفش ايه ال فوقنى على آخر لحظة و فضلت طول اليوم متعكننة إنى مش عملت كده و بقى ييجى فى خيالى مناظر لمعاناة البنت ال بيقابلها

و من ساعتها مش بقتنع إن البنت ممكن تمشى مع أى شاب و يكون محترمها و بجد الفكرة دى من عقلى من يوم ما بدأت أمشى و أسافر لوحدى و أصحابى دول كانوا أيام الجماعة فقط مش أكتر رغم إن سكة سفرنا واحد و لو كنت فى مأزق برفض مساعدة أى حد منهم و أعمل مشكلة لو حد بس بصلى و أنا فى الشارع هو مش تعقيد صدقينى أنا بس بحذر لأن إل فى نيتك انتى شيئ صافى محدش هايفهمه غيرك انتى و بس لا الشاب ده هايقول عنك انك ملتزمة ولا الناس .

آسفة انى طولت فى المناقشة بس الموضوع شيق فعلا و مجاله حديثه طويل

موضوع شيق


ولو انى اختلف اختلاف ولو قليل مع الاخت جوليت
وان كنت اتفق مع الاخ ميدو
على العموم ياشاب
الصداقه غير الحب
واى علاقة كانت بين ولد وبنت مفيش فيها احترام
بلاش منها احسن وبيتهيألى
ان فى برضوا بنات كتير بتلعب بمشاعر الشباب
الموضوع مش عند الشباب بس
والامثله على كدة كتير جدا من حياتنا العمليه

اما بقى بالنسبه لكلمه الاخت جوليت ان لو حد قال لبت انها كويسه ومفيش منها اتنين بيبقى بيكذب عليها

دا اكيد مش صحيح ممكن يحد يكون محترم
ويكون بيحب ولو على الاقل يجامل اللى قدامة وطبعا الكلام هنا بنطبق على الولد والبنت

وتعالو بقى نتكلم بصراحه من غير لف والا دوران
احنا بقى اللى بنضحك على روحنا

بيبقى الواحدة عارفه ان الولد بيضحك عليها ومع ذلك بنضحك على نفسها وبتكمل

والولد برضوا كدة

الموضوع بيبقى باين اوى لو فيه ضحك او انو عاوز او هى عاوزة توصل لغرض معين

وبعدين العلاقات اللى موجودة مش حب بس
فى بين الولد والبنت كل علاقه ممكن نتخيلها
بس احنا اللى لازم نحدد نوع العلاقه دى
اسف طولت عليكم

بس الموضوع استفزنى اوى
فكان لاوم ارد

سلام بقى

[/img]



موضوع جامد جدا والاجمل الشلة الموجودة

اولاُ انا بشكر الباشا ميدو انة شال الحجر اللي كان سد الطريق عن الردود بتاعتكم
وكمان علي المعاني اللي بيقولها مع اني مش فاهمة معناها بس سمعتها كتير في النادي من زمايلي
وان شاء الله يكون من ضمن الشلة ونشوف مساهماتة ومواضيعو وردودو كتير

الاخت جولي
بشكرك علي الاهتمام بس فية ملحظة صغيرة انا كان قصدي من موضوعي الصداقة يعني هما فعلا اوكي اصدقاء يعني مش عرفين بعض في الشارع الداقة دي ممكن تكون ناتجة من الجامعة من النادي ، عائلية
بصرف النظر يعني هل لو انتي ليكي صديق يا تري هتخافي من نظرة الناس ليكي لو مشيتي معاة في طريق
او كنتي قاعدة معاة في اي مكان عام
الموضوع لية تجربة شخصية معاية هحكيها بس منتظرة اكثر ردود

بوجا :
موافقة علي معظم كلامك وشكرا للرد

محمد حسني
مش فاهمة اية اللي انتا بعتة وتقصد اية بمدستار


mero

الصداقة بين البنت والولد
حقيقا هى غير موجودة فى الدين
ولكن فى مجتمع تقالدينا اصبحت موجودة وبقوة
وان كان فى حدود ااحترام بين الولد والبنت فهذا بالطبع افضل
لكن المشكلة الدائمة هو حدوث اقتراب عاطفى
يتخلله احيانا اقتراب شهوانى
واحيانا اقتراب لا عقلى
وعدم ارتباط بين قيم المجتمع والقيم الدنية
الصداقة البرئية نادرا ما تحدث
ولكن ان كانت هناك صداقة حقيقة فهذا بالطبع افضل
وارغب ايضا باضافة الصداقة الى الامام
والخيانة ترجع الى الخلف
واحترام الشخص لذاته هى ما تفرض على لااخر احترامه
بالنسبة الى محمد حسنى
الغريب انه وضع شعار الشركة
ولااسف هو لسة سايب الشركة ده
وطبعا حتى لو موجود فيها المفروض انه ميحطش شعارها
لان الشعار هو تعبير عن الشخص وليس عن شركة يوجد الظلم بها دائما

تما تقولى ايه الموقف ده لأن الموضوع كده عايم اصلك اتكلمتى فى كلام الشارع و كده و لازم تكون وجهة نظرى كده
لأنى بصراحة بشوف بنات بيكونا خفاف جدا بيمشوا يكلموا ده و ده و بشوف انتقاد الناس ليهم بجد بيصعبوا علية
لأن الناس دى نفسها بيكون فيها عيوب لكن مدارية شوفى بقى لما يكون حد معاب و يعيب تبقى مصيبة بجد
فلازم نفهم قصدك ايه ولا انتى سيبانا نعك فى الكلام وواقفة تتفرجى يا ااااااه عليكى يا ميرو