هتموت من الضخك

واحد بلديتنا جاله مسج حلوه إنبسط وضحك
إتصل باللي بعتها وقاله: والنبي تبعتها تاني


مسطول قاعد يمتحن جاله سؤال ضع (إنّ) في جمله ... كتب: اشتريت موبايل "إنّ سبعين"

------------ ------

موبايل بيقول لشريحته انتي طالق .. قالتلو يخرب بيتك .. ورصيدك أللي في بطني ..

------------ ------

خروف بيقول لمعزة
باء.باء.باء.باء بحبك
فالمعزة قالتله
ماء.ماء.مخطوبه

------------ -------

عريس مسطول على الآخر في يوم فرحه..
بعد المعازيم ما مشيو دخل البيت لقي العروس قاعده..
قال : والله أنا كنت عارف إنهم في الهيصة دي هينسوا حد !


اتنين حرامية دخلو شقة واحد صعيدى علشان يسرقوها .. واحد دخل حجرة النوم ولما حسّ ان الصعيدى هيصحى راح داخل البلاكونة .. شوية والصعيدى دخل البلاكونة لاقاه .. سأله انت بتعمل ايه هنا .. قاللو انا طيار مصري وكنت بحارب طيار إسرائيلي وانا راجع البنزين خلص منى فتحت البراشوت ونزلت على البلاكونة بتاعتك (قاللو هيا دي الرجالة مش التانى اللي قاعدلى فى البانيو وبيقوللى من الضفادع البشرية)

------------ -------



اثنين أغبياء خرجو من الامتحان واحد بيقول للثانى : عملت ايه فى الامتحان قاله : اسكت! أنا سبت الورقه فاضيه .. قاله : الله يخرب بيتك ها يفتكرونا غاشين من بعض ..

------------ -------

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

------------ -------

مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشان أبويا مايخدش باله فصاح القهوجي الغبي وقال ... وعندك واحد بيرة في فنجان شاي وصلحووووووووووووو...
في بخيل ماتت امه ، قالوا له إدي 100 جنيه للست اللي غسلت امك ، قال لهم لييييييييييييييييييييه ، هيه غاسله مرسيدس
===============================

واحد صعيدي سالته مذيعة بتقولو فرايك قد ايه نسبة البطالة فالصعيد؟
قالها : حضرتك الصعيد كلها ابطال
==============================

واحد صعيدي لقى كنز ، راح دفنه جمب نخله وكتب عليها " مفيش هنا كنز"
فعدى حمدان جمب النخله وضحك ضحكة شريرة وقال اكيد هنا فيه كنز
وحفر وطلعه
وبعدين
شال اليافطة وكتب : " حمدان مخدش الكنز"



=====================================



بيقولك مرة واحدة بنت مخلصة اداب انجليزي مش لاقية شغل
لاقت مكتوب اعلان عن وظيفة خالية اي مؤهل .. زوجة لاسد بحديقة الحيونات بالجيزة
فقدمت واتقبلت وسط متقدمات كتيرة
وقالولها هيحطوا حاجز ازاز بينها وبين الاسد وكل يوم تيجي تلبس لبس مراة الاسد وباليل تروح وتاخد مرتبها اخر الشهر
وفيوم بصت لاقيت الاسد بيخبط على الازاز اللي بينهم فخافت
المهم كسر الازاز
فجت تصرخ
قام الاسد قال لها
متقلقيش
معاكي محمود صلاح دبلوم تجارة ...




====================================



واحد بخيل عنده اربع حيطان دهن واحده منهم باللون
الاصفر والباقى كتب عليهم نفس اللون




====================================


واحد خلصت مدة رخصة عربيته قال لوالده : رخصتى خلصت رد الاب : من كتر لفك فى الشوارع. ....



=====================================


مرة واحدة راحت للدكتور وهي حامل وكان معاها ابنه عنده 5 سنين
الدكتور عمل لها اشاعة والواد تنح في الشاشة وشاف اخوه فيها
طلعوا من عند الدكتور وقال لها هو مين اللي في بطنك ده يا ماما
قالت له ده اخوك
قالها ابنك يعني
قال اه ياحبيبي ابني
قالها بتحبيه
قالت طبعا
قال لما بتحبيه كالتيه ليه يا مفترية




====================================



مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو


=====================================



صعيدي بالغلط دخل متحف للفن الحديث
توقف عند احد اللوحات وسأل أحد المنظمين جنبه
ايه الشكل المرعب ده، هو ده الفن اللي بتسموه حديث؟
رد المنظم : دى مراية يا أستاذ ...




=======================================



واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه



======================================




مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ .

ميرسى فعلا انك موتنا من الضحك
نكت تحغة جدا جدا

شكر جدا على مروركم العاطر واسهاماتكم التى تعطينى الدفعه الى الامام