لو عندك ضيف اوعى ....................

لو عندك ضيف أوعى………………………..؟؟؟؟؟؟؟





لو عندك ضيف اوعى تفكر تعمل محشى. عارف ليه ؟؟؟



حيحصلك زى محصل معايا بالظبط



حتقوم من النوم 7 الصبح علشان تفطر الاسره الكريمه و تعمل شاى . وبعدين تفضل تجرى وراهم لحد ما يلبسوا و يخروجوا من باب الشقه.



أستنى اوعى تكون فاكر ان مع خروجهم حتشم نفسك او حتبطل جرى؟؟أصحى ….فى شقه عايزه



تتنظف,و أرضيه عايزه تتكنس و تتمسح,وبما ان امبارح كان عفره وتراب اوعى يا حلو تنسى تلمع



الزجاج . خلصت الشقه ……أجرى يا أمور على المطبخ . نظف الفراخ و حط على البوتاجاز



وأقف جنبها أغسل الأطباق.يا ترى الساعه راحت فى كام؟؟؟



الحق الساعه بقت 10 فين خلطة المحشى يا جميل ؟؟؟محشى أه أه أه أه .نقى الارز,اغسل الخضار و



قطعه صغير,البصل اوعى تنسى,الطماطم أضربها,كمون,ملح, فلفل أسود





. يا خبببببببببببببببببببببببببببببببببببببببببببببببببببببببببببببر فيه ايه ؟ الانبوبه خلصت يا مرارك يا نور .أعمل ايه مضطره استنى الحارس يجيب غيرها .



ايه ارجع للخلطه .هه خلصتها و خلطها حطيت زيت و سمنه ؟؟ الساعه كام؟؟؟ 11



بسيطه .الا انت حتعمل محشى ايه ؟؟ ياه شوف توافق الافكار( ورق عنب )



. يالا حط الورقه ,وبعدين الخلطه,ورينى جمال اللف .ابرم جامد علشان ميفوكش .



ظهرك وجعك حاسس انك عايز رايح فين احنا لسه بنرص الصف الاول خلصت خلاص الحله ؟ .



بس فيه مشكله فيه صف مكملش اعمل ايه؟؟؟



ساعتها حتحس انك وعايز تستقبل الضيف بحلة المحشى فى وجهه .



مش مشكله بجملت .يالا حط على النار واسقى بالشربه و الليمون.ها خلصت؟؟



لا طبعا فيه ملوخيه عايزه تتخرط و بعدين تطبخها.ياسلام على ريحة التقليه و حتطها على الملوخيه






..ها قفلت المطبخ غسلت بقيت الصحون ؟



الجرس بيرن اكيد الضيوف.



الساعه كام؟؟ 3 حلو قوى بعد التحيه والسلامات و البوسات اغرف الاكل للضيوف.يحاولو



يساعدوك كرامتك تخدك و مترضاش لا والله استريحوا انتم دى حاجه بسيطه.....تعابناكى…لا ازاى



تعبكم راحه .حط الاكل ها أكلوا؟؟



فى قد ايه يا ترى اراهنك لو كملو نصف ساعه على السفره.الله يرحمك يا جدتى



كنت دايما تقولى على المحشى كتير الدبكه قليل البركه بس فى النهايه الاكل عجبهم




تعال معايا نحسب النتايج كده؟؟



-1الام مبرحه فى عمودك الفقرى



2-صداع لاخر اليوم



بس استنى اوعى الشيطان يضحك عليك .وتقول مش حكررها احتسبها لوجه الله



اكراما لضيفك.وشوف كم الحسنات اللى انت اخذتها.



بس الله يخليك لما يجيللك ضيف



اوعى



………………………………………………

ومنا هنا من موقع الأحداث

جائنا البيان التالي من مراسل شلة اصحاب علي النت رضا ربيع من ارض المعركة

بمطبخ نور جيمي... الي الضيف اللي هياكل المحشي

حسبنا الله ونعم الوكيل

وكان ماله ساندوتش فول من البغل

ولا حتي يخدنا الكرم ونخليه شاورمه من الشبراوي

ولا اقولك... والله ما انا عازم حد انهارده

هو فيه أجمل من المكرونه بالتونه؟

[b]

ده والله انت رحمة
انا مراتى يوم ما يجلنا ضيوف انا ببقى عارف انى راح احجز عند الدكتور علشان حلة المحشى ده
انت بتقولى من الصبح
ان باحس ان المعركة هتبددى من 13 يوم قبل اليوم الموعود
انا بافكر كل واحد نعزمه يجب اكله معاه
وياريت نروح احنا بلفا حلة محشى بلا مكرونة بشامل
مالها صنية البطاطس
البطاطس يا نعسة

كلامات كلها معانى جميله