3 مشترك
حوار طالب تجاره مع جدته
نورالهدى- صديق فعال
- عدد المساهمات : 77
نقاظ : 5381
السٌّمعَة : 3
تاريخ التسجيل : 29/07/2010
من طرف نورالهدى الخميس أغسطس 26, 2010 1:07 pmحوار طالب تجارة مع جدته..!!!
الله أكبر الله أكبر..أذان الظهر..
-يارب.. يارب بحق ده الآدان تنجح يا نون يابن ابنى وأشوفك دكتور أد
الدنيا
-ياستى بس أنا فى تجارة
-وماله يابنى هو يكتر على ربنا...... ده ربنا قادر على كل شئ
-ياستى ونعم بالله بس اللى بيطلع دكتور لازم يكون فى كلية الطب مش
التجارة
-ياللا تجارة تجارة ..ومالها التجارة ..دى حتى التجارة شطارة..ده الله
يرحمه جدك كان تاجر فى الوكالة أد الدنيا
-ياستى التجارة اللى فى الوكالة حاجة واللى فى الكلية حاجة تانية
-ع العموم شد حيلك أنته وانا أخلى جدك يخدك معاه الوكاله عشان تتدردح
وتتودك فى السوق
-جدى إيه اللى هايخدنى معاه .....ده جدى مات من زمان ياستى
-يامصيبتى عبد الواحد مات..ياحبيبى ياأخويا..مكنش يومك ياسبعى
-ياستى ده ميت من تلتين سنة
-تلتين سنه..ده العمر بيجرى ياولاد تصدق ولا حسيت بيهم....ياللا الله يرحمه
..ده كان بخل الدنيا فيه..أن ما عمره دخل
عليه ببطيخة ولاكيس جوافة
-ياستى حرااام عليكى عايز أذاكر بقى
-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد
الدبلون
-ياستى دبلون إيه..أسمه البكالوريوس
-أنته عتضحك عليه ياوله..أسمه الدبلون الواد ابن فايزة جدع زيك كده فى
مدرسة التجارة وخد الدبلون
-خلاص دبلوم دبلوم ياستى ..سيبينى بقى عشان أذاكر
-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون
رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان
-ياستى عبير دى معاها أعدادية
-وماله يابنى ...الراجل مايعبهوش إلا جيبه
-راجل ...راجل مين ياستى...عبير دى بنت
-عبير ...عبير مين ياوله..أنته بتعرف بنات من ورانا
-لا إله إلا الله....أبوس رجلك ياستى أرحمينى بقه
-طب ذاكر....ذاكر جتك نيله وأنته طالع براوى كده زى أمك....
أنامش عارفه أبوك كان أجوزها على إيه..حكم...قال لبس البوصة
تبقى عروسة..بس لكون مبوظه الخطوبة دى ومجوزاه أنيسة
بت أختى
-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى
بنت أخوك مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصلى أناأمى ماكنتش
بتخلف صبيان
-حراااااااااااااااااااااااااااااااااام ............ستى ماتطلعى
البلكونة شويه ...ده الهوا حلو بره
-لأياخويا....فى جدع كده حليوه وشعره مسبسب فى البلكونه اللى فى الوش
بيقعد يعا**نى
-خلاص روحى المطبخ ...أهو زمان أمى خلصت الرز
-رز...رزإيه يابنى....هوأنا ليه سنان للرز...أناهطلع البلكونه أحسن
-طب أبقى خلى بالك م الهوى ياستى
-هوى لما يلطشك
الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني
الشروق- مشرف عام عالم حواء
- زقم العضويه : 120
عدد المساهمات : 3932
نقاظ : 11679
السٌّمعَة : 143
تاريخ التسجيل : 11/04/2010
العمر : 47
هههههههههههههههههههههههههههههههههههه
بجد حوار ظريف اوى يا نور الهدى
تسلم ايدك
العاشق- مشرف
- زقم العضويه : 23
عدد المساهمات : 1159
نقاظ : 6968
السٌّمعَة : 15
تاريخ التسجيل : 24/01/2010
العمر : 47
الموقع : brityeye@yahoo.com
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
تصدقى ان الحوار ده صحيح
بيحصل كتير مع الناس الكبار اللى بينسوا و
وحصلى حوار زى ده
بس بلاش احكيه علشان ده ستى الله يرحمها
تصدقى ان الحوار ده صحيح
بيحصل كتير مع الناس الكبار اللى بينسوا و
وحصلى حوار زى ده
بس بلاش احكيه علشان ده ستى الله يرحمها
