انا مش وطنيه؟

انا مش وطنيه
وطبعاُ أكيد حاجه مهمه اللي خلتني أضطر إني اكتب الموضوع ده وعارفه ان فيه ناس كتير هتهاجمني بس أنا بقول للي هيهاجني قبل ما يهاجم يجي يعيش مكاني اسبوع في بلدي في رمضان ..... وما أدراك ما رمضان ؟؟!!
رمضان شهر الإجتهاد والعباده ولكن هنتجهد إزاي ومفيش نوم ؟؟!!!!
وطبعا السبب في ده كله الكهرباء إازاي هنعرف ننام والكهرباء كل يوم مقطوعه 8 ساعات علي الاقل وللأسف في وقت النوم !! وده كل يوم في الجو الفظيع اللي احنا فيه ده بدل ما نعين الناس علي العباده لا إزاي لازم نقطع الكهرباء وال ايه ترشيد إستهلاك فين حين ان الانوار علي الطريق الصحراوي وفي الشوراع شغاله ليل ونهار وعلي فكره أنا قريتي مش معدومه أوي يعني دي احسن حالا في وسط البلاد اللي جنبها أومال العزب والكفور يعملوا إيه ده أنا بسمع ان فيه بلاد الكهرباء والميه مش بتوصلها إلا كل أسبوع مره !!! الله المستعان
يا تري بقي اما نرشد الإستهلاك هنصدر الكهرباء لمين ؟؟؟!! ....
سؤال يطرح نفسه وأكيد الكل عارف الإجابه !!!
وكل ما نتكلم نقول ماتقلوش إيه ادتنا مصر
واما أقول نسيب اسيب البلد باللي فيها الناس ترد تقول العرب بيذلونا !!!
طيب بالله مش أحسن إننا نتذل من الغريب بدل ما نتذل من بلدنا نفسها .... مش أحسن إننا نبعد بدل ما نشوف خير بلدنا قدامنا بيتآخد قدامنا وإحنا واقفين نتفرج .... الله المستعان
وكل ما أنتقد حاجه في البلد الكل يرد يقولي إني مش وطنيه!!!
وأما إعترضت أيام ماتش الجزائر ومصر وقولت يا جماعه الكره كده وصلت للحرمانيه طالما أدت إالي التعصب
ومعاداه بلد تحت لواء لا إاله إالا الله محمد رسول الله .... وإزاي نهتم بماتش ونعمل ده كله وإسرائيل محاصره غزة والاقصي يستغيث والأسعار نار في مصر وده كله هدفه إننا نلهي الناس عن الكوارث اللي بتحصل قالوا عليا برضه مش وطنيه وفي الآخر طلع الموضوع كله سياسيه وطبعا الشعبين هما اللي وقعوا فيه والكبار كانوا بيحركوهم وعلي فكره أنا طبعا مش بقول إن المصريين بس اللي غلطانين في موضوع الماتش بس أنا طبعي مش بلوم علي حد قبل ما ألوم نفسي أصلح من نفسي الأول وبعدين أنتقد غيري !!!
وأهم حاجه كل ما أتكلم كلمه يقولوا مش وطنيه !!
وطنيه لمين ؟؟ وطنيه لبلد قاسيه علي مواطنيها اشد قسوة !!
وطنيه لبلد تحاصر غزة وتغلق المعابر وأما نعترض تقول بنحمي الحدود ؟؟!! بنحميها من مين ؟ من إخواننا !! وفي المقابل شرم الشيخ كلها مشاريع يهوديه وطابا الاسرائيليين بيدخلوا فيها بالبطاقه !! الله المستعان
إذا كانت الوطنيه بقي معناه الإنهزاميه ونسينا تعاليم دينا اللي بتحثنا علي نصرة إخواننا المسلمين وعدم مولاة إعداء المسلمين
فاسمحولي لو الوطنيه بقي مفهومها كده أنا أول واحده
بعلن أنا مش وطنيه
كده أنا خلصت كلامي .... وبمناسبه رمضان بقي وتحت شعار ما تقولش إيه ادتنا مصر قول هندي إيه لمصر ما تنسوش الزكاه السنه دي تكون كلها لمصر غلبانه!! محتاجه!! وطبعا إنتوا عارفين هتروح فين ؟؟؟
ملحوظه : أنا مش بكره مصر بالعكس دي بلدي وبحبها جدا وأغلي حاجه عندي في الدنيا أكيد ... بس أنا كرهت الظلم والشعارات نفسي تكون مصر أحلي بلد في العالم وناسها مرتاحين لكن ...
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

نور انا عارف انت اللى شفتيه فى قريتك صعب
والكهربا اللى بتنقطع شىء صعب
صحيح فى فساد
صحيح فى انحلال
صحيح فى سرقة
بس بصراحة احنا السبب فيها
انت نفسك قلت الايه الكريمة
وما كان الله مغير ما بقوم حتى يغيروا ما فيهم
احنا السبب يا نور فى استغلال الحكام لنا
احنا اللى سكتنا بالظلم
احنا اللى خفنا على لقمة العيش ووثقنا ان العبد هو اللى برزقنا
مع ان الرزق فى السماء
وورزقكم فى السماء وما توعدون
انا بحب البلد ده يا نور قووووووووووووووووووووى
والله الخير فيها
فيها لاقصى حد
ومينفعش نسيب البلد ونمشى
احنا لازم نقف ضدهم
ده لولا ان فى ناس فى فلسطين مش رضيوا يسيبوا بلدهم كان المسجد الاقصى انهدم من زمان
هنسيب بلدنا تنسرق
يكفى انك بتمشىفى امان
طبعا فى حالات فردية من الظلم
بس المجمل انها امان
ولو فى ظلم احنا السبب فيه
احنا مش بنطلب حقنا
احنا دايما بنسكت
وانت فى الارياف اكيد لما تركبى الميكروباص مش بيبقى 14 راكب لا بيبقى 18 وساعات 20 وساعات اكتر وانت بتسكتى
احنا اللى بنظلم بعض فى بعض
علشان كده ليهم حق الحكام يعملوا فينا اللى هما عايزينه
انا اسف انى طولت
مصر بخير يا نور
بخير قوووووووووووووووووووووى
يكفى بس انك بتنامى فى امان ده نعمة كبيرة جدا جدا جدا