3 مشترك
انا عارف انى هروح فى داهية بس ربنا يسطر
العاشق- مشرف
- زقم العضويه : 23
عدد المساهمات : 1159
نقاظ : 6968
السٌّمعَة : 15
تاريخ التسجيل : 24/01/2010
العمر : 47
الموقع : brityeye@yahoo.com
في عيد ميلاد الريس عندي احساس هالشاعر حيروح في ستين داهية احمد فؤاد نجم- في عيد ميلادك الكام وسبعين ....  سيدي الرئيس في عيد ميلادك الكام وسبعين كل سنة وانت طيب واحنا مش طيبين كل سنة وانت حاكم واحنا محكومين واحنا مظلومين واحنا متهانين ويا ترى يا حبيب الملايين فاكرنا ولا احنا خلاص منسيين فاكر المعتقلين فاكر الجعانين فاكر المشردين فاكر اللي ماتو محروقين فاكر الغرقانين الله يكون في عونك - ها تفتكر مين وللا مين في عيد ميلادك الكام وسبعين بقول لك كلمتين الأوله ليلتنا طين وهل تعلم أن النيل بقي رشاح والجو أصبح بيئة والعيشة ولعة والشرفا قلوبهم عالبلد والعة وانت عاملهم مذبحة ولا بتاعة القلعة والإقتصاد سداح والسرقة بقت كفاح ومصر متاحة بس للسياح وعرض البلد بقي مستباح والثانية ورتنا الويل دا الخطوة في عهدك بقت ميل والضحك بقي نواح وعويل والكوسة عارف الكوسة ممكن أقول لك فيها مواويل والجامعة بقت يا إما كباريه أو دار مسنين والشباب معظمهم من غير خمرة سكرانين والعلم عز علي المتعلمين والأساتذة بقم دجالين والقادة بقم طبالين واديني في الهايف يا حبيب الملايين والثالثة عارف اليابانيين زمان في سنة اتنين وخمسين كان عندنا تروماي وكان عندنا علم ومتعلمين وثقافة ومثقفين وأدبا وعلما وفنانين وكانو اليابانيين بالنووي لسه مضروبين وللصدقة مستحقين دلوقتي إحنا فين وهما فين هما فوق واحنا في أسفل سافلين والرابعة أمن بلدنا بقي تنين والمحاكم اتملت مظالم والعدالة بقت كمالة وكلمة الحق في الزبالة وأصحابها في الزنازين والخامسة القطاع العام....عام والفساد.....ساد وفي جتة بلدنا بيرعي أفتكر لجنابك إيه وللا إيه وكل ذكري ليك بدمعة آآآآآآآآه آآآآآآآآه أنا كنت حالف مية يمين أكملهم لك تمنية وسبعين بس ها كفيهم ورق منين وكل سنة وانت .............. واحنا طيبين |
احمد مصطفي 777- صديق درجة اولى
- زقم العضويه : 50
عدد المساهمات : 429
نقاظ : 5865
السٌّمعَة : 9
تاريخ التسجيل : 02/02/2010
العمر : 43
الموقع : hmostfa75@yahoo.ca
- مساهمة رقم 2
رد: انا عارف انى هروح فى داهية بس ربنا يسطر
من طرف احمد مصطفي 777 الإثنين فبراير 08, 2010 8:19 pm
هههههههههههههربنا يسطر عليك بس بجد كلمة حق
قطرات الندى- مشرف عام للمنتدى
- زقم العضويه : 32
عدد المساهمات : 876
نقاظ : 6808
السٌّمعَة : 0
تاريخ التسجيل : 28/01/2010
- مساهمة رقم 3
رد: انا عارف انى هروح فى داهية بس ربنا يسطر
من طرف قطرات الندى الإثنين فبراير 08, 2010 9:13 pm
معلش هانقل الموضوع لقسم الشعر لانه مش موضوع عام
