أنا المظلوم
مصطفى الخواجه- مشرف
- زقم العضويه : 322
عدد المساهمات : 552
نقاظ : 6239
السٌّمعَة : 0
تاريخ التسجيل : 10/12/2010
العمر : 48
الموقع : سيتى ستارز_مدينه نصر_القاهرة _مصر
من طرف 
انا المظلوم في الحب بين الحبايب
انا اللي راح منه حبيبه و لسة غايب
و كل يوم بصبر روحي يمكن يعود
و فاتت سنين و عمر عدى ولسة غايب
انا المظلوم في الهوا بين الطيور
نفسي أطير زيهم و ماليش جناح
و أنا م البشر و ماعنديش قصور
لكن عندي صبر ماتهزوش رياح
انا المظلوم في الليل بين النجوم
انا إللي بسهر ديما أغازل القمر
و هو يمشي و هما يمشوا كل يوم
و ألاقي نفسي الوحيد إللي انكسر
انا المظلوم في العذاب بين الآهات
لما جفت دموع عيوني م البكى
قالوا بيقدر ينسى إللي فات
و يفرح و من كتر فرحه بطل بكى
انا المظلوم في الطريق بين الخطاوي
لما بمشي فـ سكة ملهاش نهاية
بقابل فيها ناس كتير حوالي
نص البشر خطوتهم سبقت خوطايا
انا المظلوم في اليوم بين الساعات
كل إما ألاقي لحظة حلوة بتجري ليه
و تفوت ببطئ عليا كل الحاجات
إللي بتجرح قلبي و تقضي عليه
مواضيع مماثلة
