الباذنجان بطريقة جديدة

ننسى بقى اللحوم شوية و نركز فى الأكل المفيد
لأن الواحد حصلتله تخمة من الأكل الدسم

الباذنجان بطريقة جديدة

كلنا طبعا مش منحب أكل الباذنجان بس لو عرفنا فوايده أكيد مش هانبطل أكل فيه بس بجد دى طريقة ترى ترى شيك و طعمة موت
و إنذار إل بيعرف ينفذ بس هو إل يجرب مش عايزين حوادث و مقالب زبالة تانى بليييييييييييز

المقادير :

1 كيلو باذنجان
عصير طماطم + ملح + شطة نصف حارة
بصلتين مبشورتين + فلفل حار مفروم
بقدونس مفروم + فصين ثوم مفرومين
جبنة موتزاريلا + زيت ذرة

الطريقة :-

1- نغسل الباذنجان و نشيل قلبه و نحتفظ بيه على جانب
2- نضعه فى صينيه بعد دهانه بزيت خفيف جدا و أيضا الصينية حتى تأخذ اللون الذهبى طبعا هانعرف من لون الباذنجان من الداخل لأن من برة اسود طبيعى
3- نضع وعاء على النار نضع قليل من الزيت و عليه البصل حتى يصفر لونه نضيف عصير الطماطم و يتم نضجها جيدا نضيف البقدونس و نصف حشو الباذنجان السابق مع إضافة الفلفل الحار
4- و نقلب جيدا و نضيف الملح و الشطة
5- نأخذ كل هذه الإضافات و نحشى بها الباذنجان و نضيف على الوجه الجبنة الموتزاريلا و ندخلها الفرن من جديد
6- عندما تسيح الجبنة و يكتمل نضج البانجان نخرج الصينية و لازم ناكلها سخنة
الأكلة دى مقبلات مش رئيسية